2011-08-04

تغيير أيقونة المدونة بسهولة :)

مش عارفة الموضوع دا قديم ولا جديد بس انا اكتشفته من يومين وقولت أفيد الناس بيه :)

دخلت في الداش بورد اعمل حاجة كده لقيت بلوجر عمل خاصية جديدة تقدر من خلالها تغير أيقونة مدونتك من أيقونة بلوجر لأي أيقونة تانية تحبها بسهولة من غير ما تضطر تدخل على الاتش تي إم إل وتكتب كود وحركات

كل اللي عليك انك هتدخل تغيرها زي ما هو موجود في الصورة كده 
( اضغط على الصورة لتكبيرها )

وبكدة تظهر الأيقونة جنب اسم المدونة

كده مش فاضل غير انك تعرف مواقع أيقونات حلوة تختار منها

انا لقيت دا

وممكن تلاقي موقع بسهولة لو عملت سيرش عن  " موقع أيقونات" 

أي خودعة ;)

هناك 7 تعليقات:

  1. بردو معتزة بأيقونة بلوجر :D

    انا حاسة انى هكرهها من كتر ما قلت الجملة دى اصلا :P

    ردحذف
  2. (:

    شكراً

    علشان يعرفوا أن الأميرات مش قاعدين ساكتين

    (:

    ردحذف
  3. شكراً يا ساره دايما سباقه بالخير و كل سنه وانتي طيبة مقلوتهالكيش ع الفيس قولت لازم اقولها هنا ليكي انتي ومنونه ويارب تكونوا بخير والاسره الكريمة بخير ومرضان كريم وياريت لو تعرفيلي كمان ازاي اخلي المدونة الكسلانة بتاعتي لما اجي اكتب موضوع واعمل كدا .. نقطتين بيتحولوا الي شرط و مش بتريحني في التنسيق ياتري دا من ايه؟
    وكمان السبب دا مخليني مش عارف اعمل النوت ال استاذنتك في الرد بيها علي المقاله بتاعتك بتاعة البطيخة .. بصراحه بقالها سنين عندي وعاوز ارد عليها اوي
    :)) وطبعا ردي مش علي شخصيتك لان عارفها كويس وعارف انها لانسانه جميله القلب والروح و الطباع
    رمضان كريم

    ردحذف
  4. علم ونفذ يا افندم ....شاكرين مهليلين ...كل سنة وانت طيبة

    ردحذف
  5. عرفاها يا فندم :D

    بس أنا معجبة بأيقونة البلوجر بتاعتي ههههههههه

    ميرسي ع التنبيه يا جميلة ^^

    ردحذف
  6. تمام ياسارة
    تسلمي :) ..

    ردحذف
  7. جربتها وتمام يافندم .. شكراً يا سارة

    ردحذف

Say something...