كنت لحد وقت قريب زعلانة إني مش مسنودة غير على شطارتي وضهري للحيط..
كنت متوترة ومرعوبة وأنا عارفة إنها كل اللي حيلتي عشان عارفة إني لو ما كنتش أتطور وأثبت طول الوقت إني كويسة ومفيدة ماحدش هيسمي عليا..
اليومين دول شفت حكمة ربنا وفايدة إني مش مسنودة غير على شطارتي.. وفي نفس الوقت بدعي ربنا يحافظ لي عليها وأنا عارفة ومدركة جدًا إني ما املكش في نفسي حاجة وممكن بكرة الصبح ألاقي نفسي زي الموس التِلم لو ربنا شال مني نعمته دي..
كتير بحس إن حياتي قصيرة أوي عشان الدايرة فيها بتدور بسرعة أوي أسرع مما أتخيل.. عشان كده لما ناس بتطمني وتقولي إن أمر ما هيتطلب سنين وبعدين يظبط ببقى مش عارفة انبسط بالكلام دا لأن الأيام تقيلة جدًا وسريعة جدًا في نفس الوقت عليا...
مش عارفة هوسي وجناني تجاه المستقبل دا هيخلص امتى.. مش عارفة إمتى هبطل أقلق على بكرة وأنا عارفة كويس إني بعرف اتأقلم مع كل الظروف والأوضاع.. تعبت حقيقي من الهستيريا اللي عندي دي..
النهاردة ربنا ألهمني شوية حلول وهحاول أنفذها.. حسيت إني أهدى شوية لما توصلت لها.. كل اللي بتمناه من ربنا إني أصمد شوية كمان.. أصمد حبة عشان ما أضيعش كل حاجة على الأرض.. وبعدها ربنا يديني البصيرة وحاسة القطط وأعرف أمشي في الوقت الصح..
حاليًا كل اللي بتمناه شوية إرادة تخليني أصحى من النوم الصبح، وطاقة تخليني أنجز وأعرف أفكر بسرعة عشان أقدر أرتاح
مش عارفة هوسي وجناني تجاه المستقبل دا هيخلص امتى.. مش عارفة إمتى هبطل أقلق على بكرة وأنا عارفة كويس إني بعرف اتأقلم مع كل الظروف والأوضاع.. تعبت حقيقي من الهستيريا اللي عندي دي..
ردحذفالنهاردة ربنا ألهمني شوية حلول وهحاول أنفذها.. حسيت إني أهدى شوية لما توصلت لها.. كل اللي بتمناه من ربنا إني أصمد شوية كمان.. أصمد حبة عشان ما أضيعش كل حاجة على الأرض.. وبعدها ربنا يديني البصيرة وحاسة القطط وأعرف أمشي في الوقت الصح..
حاليًا كل اللي بتمناه شوية إرادة تخليني أصحى من النوم الصبح، وطاقة تخليني أنجز وأعرف أفكر بسرعة عشان أقدر أرتاح
كل انسان عاقل وناجح لابد له ان يقلق من الغد
فااحساسك صادق وصحيح وان دل يدل على واعى وادراك
اسال الله ان يهدنا الطريق الصحيح
بوست جميل احساسه صعب وموقلق ويحمل الف سؤال والف معنى ماذا عن الغد ماذا ينتظرنى ولكن هذة هى الحياه الدنيا
تحياتى البوست نابع من القلب كتب فى لحظات صمت مع النفس والخوف من الغد اكرار البوست اكثر من رائع وصادق ونابع من القلب
تحياتى الى شخصك الكريم
شكرًا يا محمود بتنورني والله :")
ردحذف