لعلمك

لعلمك

إقرأ لي

دخلوا بكليك شمال :D

Blog Archive

الجمعة، مارس 14، 2008

postheadericon هل لو روحى طلعت تجرى هبقى مبسوطة ؟!!

حاسة انى نفسى اجرى اجرى اجرى واكون حرة
ولا يهمنى نظرة الناس ليا على انى مجنونة

ولا يهمنى انا رايحة فين ولا اى حاجة
تقريباً دا احساس بيعبر بيه عقلى الباطن عن انه نفسه يكون حر
فكرت كده وقلت بما ان روحى هى اللى نفسها تجرى
هل لو روحى لوحدها طلعت تجرى هحس بمتعة وهبقى مبسوطة ؟!! ((( بغض النظر عن ان دا مستحيل ))
اكتشفت انه لأ .. رغم ان جسمى مش هو اللى عايز يجرى ،
ورغم انه ممكن يتعب من الجرى ..
الا انى مش هحس بمتعة الا اذا جسمى جرى مع روحى واتحرروا هما الاتنين ..
دا ودانى لسؤال تانى ..
ازاى فى فنان حقيقى (( فنان بمعنى انسان مرهف الحس شاعر او كاتب او اديب او ممثل او مغنى ))
والناس دى بمثابة روح المجتمع ..
الجزء الروحانى اللى فيه اللى المفروض يكون اغلب اهتماماته انسانية مش مادية ..
يحس براحة او حرية او متعة وجسم المجتمع _ اللى هم الناس العاديين _ مش متحررين
ولا عايشين ولا متمعين ..
مجرد ثور فى ساقية بيدور على اكل عيشه ..
ازاى انسان توسم فى نفسه ان ربنا منحه نعمة او موهبة زيادة ..
او افق اوسع .. ويقدر ينام ولسة فى ناس تعبانة ؟!!
وافتكرت عبارة للرائع صلاح عبد الصبور
" الفنانون والفئران هم اكثر الكائنات استشعاراً للخطر ،
لكن الفرق ان الفئران اذا شعرت بالخطر تسرع لترمى نفسها فى الماء هرباً من السفينة الغارقة ،
لكن الفنانين يظلوا يقرعوا الاجراس وينبهوا الناس حتى ينقذوا السفينة او يغرقوا معها "
.. الله يرحمك ياعم صلاح .. ياريتك عايش دلوقتى علشان تعلمهم ما يكونوش فيران ..

2 بوينتس أوف فيو:

كلمتى يقول...

ازيك ياسارورتى
عامل ايه ياجميل ؟
ياحبيبتى النهارده لا فنانين ولا غير فنانين بقوا يحسوا بغيرهم
كل واحد بقى رافع شعار
( انا ومن بعدى الطوفان )
سلاااااااااااااااام

S@rOra يقول...

دودو حبيبة قلبى والله معاكى حق ، لا فنانين ولا غيرهم بقوا بيحسوا بأى حد .. ربنا يرحمنا بجد نورتينى يا دودو

المتابعون

اعتبرها بيتك ♥

وِش القفص

خليك ورايا

دليفري..