تنويه: بوست عشوائي مضيع للوقت مليء بتساؤلات ما بعد 12 بالليل
بحس بإحباط لما يعجبني فيلم، وأدخل أدعبس حواليه والاقيه واخد تقييم قليل على IMDB بحس إنه يا شباب ظالمينه بجد، طب شوفوه تاني كده؟
في نفس الوقت في أفلام بتبقى واخدة تقييم عالي وأحاول أحبها ما أقدرش. بحس إن دا بيوترني شوية، ودا جنبني فترة طويلة أدخل أسجل اللي بشوفه على الموقع، بس رجعت تاني لما لقيت نفسي بنسى لدرجة إني بعيد الفرجة على أفلام أو أحط أفلام على قائمتي أنا شفتها بالفعل.
بيحيرني جدًا قد إيه الأذواق بتتفاوت، مش من شخص لشخص بس. لكن كمان إحنا نفسنا، لو شفنا حاجة معينة في توقيت معين ممكن تبقى أكتر حاجة مبهرة شفناها في حياتنا وممكن تبقى عادية أوي وإيه السخافة دي. بتخض بقى لما أشوف تاني حاجة كنت منبهرة بيها أوي أوي مرة تانية والاقيها عادي والاقي نفسي مش عارفة أنا كنت مبهورة بإيه. أو إن إعجابي بيها مش قد الهالة اللي اتكونت في دماغي من وقت ما شفتها أول مرة.
المهم إني حبيت الفيلم دا، لسبب مش عارفاه، يمكن لأنه طرح أسئلة بفكر فيها فعلاً، ويمكن لأن نهايته سعيدة ومرضية بالنسبة لي، ويمكن لأن بعض الكلام فيه لمس حاجات بفكر فيها.
والفيلم للأسف ماخدش بس تقييم سيء في الموقع، لكنه واجه خساير كبيرة لما اتعرض، رغم إنه في رأيي فيلم لطيف - هو بسيط ودا سحره بالنسبة لي - بس لطيف، وعميق في مناطق كتيرة.
من المشاهد اللي علمت معايا جدًا المشهد دا:
أنا فاهمة إحساسها بالمللي، وهي عايزة تمشي بس حاسة بمسؤولية، وهي محبطة إنه اعتذر فعلاً وإنها بدورها المفروض تحاول تكمل، وهي راجعة تحاول في حاجة عارفة إنها مش بالظبط اللي عايزاها بس عايزة تبقى ناضجة كفاية وتكمل المشوار للآخر.
عارفة الإحساس دا أوي مش بس في العلاقات، في حاجات كتير، بنحس بمسؤولية تخلينا نضطر نبذل جهد أكبر في حاجات مش حاسينها أوي، عشان ضميرنا بيقولنا بما إننا بدأنا، لازم نحاول نكمل، ولازم نبذل كل اللي في وسعنا عشان ما نندمش بعدين.
الإحساس دا بالمسؤولية مرهق وقاتل. لكن رغم كده ما بعرفش أشوف عدم المحاولة وعدم بذل المجهود غير صبيانية ومراهقة. سؤال الفيلم كان إزاي تعرف إنك بتحب؟ بس أنا السؤال اللي خلاني بفكر فيه هو إزاي تعرف إنه المفروض تبطل تحاول؟ إزاي تعرف إنه مافيش داعي تبذل كل اللي في وسعك، مافيش حاجة هتتغير؟
إزاي تعرف إنك لازم تمشي دلوقتي، وتكتفي بخساير دلوقتي بدل ما تبقى خسايرك أكبر بعدين؟ إزاي تعرف إنك مش هتعرف تتأقلم مهما حاولت ومهما غيرت في نفسك ولو اتأقلمت مش هتبقى مبسوط؟ إزاي تعرف إنك لازم تسيب إيدك دلوقتي وتـ let it go؟
إزاي تعرف إنك بتضيع وقت.. وإن في اختيار تاني يستحق الفرصة / المجهود اللي بتهدرهم مع الاختيار الأول؟ إزاي تعرف إنه مافيش فايدة؟ إزاي تعرف إنها مش مستاهلة تعب؟ إزاي تعرف هو في حاجة أصلاً هتبقى مستاهلة تعب ولا كل الاختيارات بتبقى شبه بعضها في الآخر؟
اسئلة كتيرة جدًا بسألها لنفسي من ساعة ما شفت الفيلم..
ولأن مشهدي المفضل في الفيلم كله مالوش صور للأسف هحط سكريبته :
I gotta say something to you, I don't want you to think that the reason we're not married is because I think anything of anyone else. It's because I'm 40 years old and I'm a failure, Annie. The reason that I never talked marriage to you is because I couldn't stand to see you, the princess of worry, weighed down by me and my limited prospects.Because I get you worrying, Annie. I know that a lot of people think that's a bad thing about you, but I know that it's because you have a great big heart and I love you for it.Then, I started to worry... about what would happen to you and this little hulk. If you guys end up with someone who thought that your worrying was uh... you know neurotic.You know, somebody who didn't get you... Who wanted you to feel bad about yourself, wanted to make you be more normal of a person, or wanted you to change, or like yourself more. You know... who didn't love ALL of you. Who didn't want to leave great enough alone. And... I thought that I could do that for you. That could be a legitimate, um, function for me in your life. So that allows me, to propose to you that we get married. I want to marry you, Annie.
