2008-05-01

فضلت احايله ما يردش

" فضلت احايله ما يردش .. اقوله يا سيدى ما يردش ..

اعمل له ايه ؟!!! "

الاغنية دى لسان حالنا واحنا
واقفين فى اى مصلحة حكومية..

بنبقى على وشك نبوس ايد الموظف علشان حتى
يلتفتلنا

ويحسسنا انه سمع

ناهيك عن انه يستجيب

دى بقى بتبقى عايزة ابتهاااااااالات ..

بجد بقعد كتير
افكر ..

لما الاخ ما بيسمعنيش

ولا بيسمعك

ولا بيسمعه

امال بيعمل ايه ؟؟؟

اتمنى
بجد من كل قلبى

انه يحس مرة بالملل ويفكر يسمعنا من باب التسلية ..

مش من باب انه يستجيب لا سمح الله ..

معلش اعذرونى اصل
خيالى واسع ..

هناك 13 تعليقًا:

  1. اقولة ياعم ميردش

    اقولة يا سيدى ميردش

    .......نعمل اية للموظفين

    و الله يا بنوتة الكل بقى غلابة خلاص سواء كان مواطن ام موظف ام .....

    ردحذف
  2. ازيك ياساروره
    ههههههههههههههههههههههههههههههههه
    هو مابيردش بس
    ده مابيردش والتكشيره الف ميه و11 على وشه
    بجد اكتر وقت ملل لما ببقى منتظره
    ادفع المصاريف
    او امضى اى ورقه من اى موظف فى الكليه
    ملل ملل ملل
    يالا هنعمل ايه
    هى دى حكومتنا
    سلاااااااااااااااااااااااااااام
    يابنوتى

    ردحذف
  3. ياسارة يجب ان تتأكدى اولا ان امامك شخص حقيقى لأنهم دلوقتى بيحطوا عروسة بلاستيك شبه الموظف علشان هو بيكون فى شغل تانى مش عشان يشتغل ..لالالا.. لكن عشان يحط عروسة تانية
    تضامنا مع حركة كفاية اقدم شعارات مصورة للنشر على المدونات لمن يرغب
    http://7arfwaw.blogspot.com/

    ردحذف
  4. ههههههههههههههههه
    جيتى على الجرح ومشكلة كل الناس
    نفسى اعرف هما لية الموظفين بيعملوا كدة مع ان دة شغلهم وبياخدوا عليه مقابل حتى لو كان قليل بس مش حيتعب لما يرسم بسمة على وشة او يعامل اللى قدامة بطريقة ادمية مش حيخسر حاجة بالعكس دة حيكسب حب الناس ودعاوى ناس غلابة كتير
    بجد الاغنية معبرة
    تحياتى

    ردحذف
  5. سارة قولى ياباسط هتحيله ومش هيرد ولا هيفكر يرد ولا عنده وقت اصلا يرد
    وزى ما قال احمد ابو العلا اتأكدى الاول لا يكون حاطين عروسة تشبهه

    لكى تحياتى

    ردحذف
  6. تعرفى ياسارووووره
    إنى لسه كاتبه شكوى فى موظفه
    ياستار عليها
    بتحسسنى إنها هى اللى ماسكه البلد
    بتحسسنى إنى بشحت منها
    وهموت من غير سيادتها
    بس أنا طبعاً مسكتش لها
    ومقولكيش شعورى كان إيه لما إتخنقت معاها فى وسط المرؤوسين بتوعها

    وعلى الجانب الأخر
    أحب أقول فيه موظفين زى العسل
    زى مدام أمل
    ربنا يكتر من أمثالها
    وزى أستاذ صبحى
    اللى حتى الأن بدعيله
    طبعاً إنتى متعرفيش الناس دى
    بس هم يستاهلوا
    يتعمل لهم تماثيل من ذهب

    ردحذف
  7. sيا كفرواى اوك هما غلابة بس دا ما يديهمش الحق فى انهم يغلبونا ويطلعوا عنينا .. بجد اسلوبهم مستفز جدا فى التعامل

    ردحذف
  8. اااااااااااااااه يا دودو التكشيرة ، زى ما بيقولوا تكشيرة تقطع الخميرة من البيت ، ولا يا دودو لما بنروح نشترى الكتب يالهووووووى على الشلل بيقعدوا حاطين رجل على رجل يشربوا شاى وسجاير ويفطروا وسايبننا ملطوعين ومستنين سيادتهم لما يحنوا علينا بجد ربنا ي حمنا من ذلهم .. نورتينى يا احلى دودو ومبروووووووووووك رجوعك ياقمر

    ردحذف
  9. والله يا احمد معاك حق ، فعلا ممكن يكونوا مش بنى ىدمين ممكن يكونوا عرايس لا تسمع لا ترى لا تتكلم ... منورة البلوج بتاعى يا احمد وبجد تسلم ايدك على الشعارات

    ردحذف
  10. صحيح يا فيس مون ايه المتعب فى انه يبتسم ، على الاقل هيكون بيشتغل وهو مريح عضلات وشه من التكشيرة اللى تسد النفس دى .. هنقول ايه بقى ربنا يهدى بجد

    ردحذف
  11. اهو الوقت دا اللى مجننى يا سمراء ، اموت واعرف هو فاضى لايه بالظبط ؟؟؟؟؟؟؟

    ردحذف
  12. انا واثقة في رايك يا منمن وبنحنى معاكى احتراما لمدام امل واستاذ صبحى وبيتمنى زيك ربنا يكتر من امثالهم ودايما اقابل ناس زيهم

    ردحذف
  13. يعنى الموظف الحكومى هيقطع نفسه، يعنى هينام ولا هيزوغ من الشغل.
    وياسلام لما مراته تكون منكده عليه عيشته وتيجى تقفى قدامه يحسسك انه فعلا عبده المهم.
    احنا عاوزين حد مسئول يكون عنده ضمير يفهم الناس دى ان الشغل لازم يكون بضمير.

    ردحذف

Say something...