لعلمك

لعلمك

إقرأ لي

دخلوا بكليك شمال :D

Blog Archive

الأحد، سبتمبر 21، 2008

postheadericon سالمة يا سلامة الدراسة رجعت بالسلامة



.. اخيراااااااااااااااااااً رجعت الدراسة من تانى


.. انا كنت خلاص قربت انتحر من الخنقة في البيت




.. اخيراااااااااا هرجع اشوف اصحابي تانى


.. ونتناكف ونهزر ونتريأ ع بعض




اخيرا هرجع لذل المواصلااااااات .. و للمشى جوا الكلية لحد ما رجليني يوجعونى




ياااااااااه ماحدش يتخيل الكلية وحشتنى ازاى .. والله حتى الحيطان بتاعتها وحشتنى




المدرجات .. السلالم .. عمو الفراش اللى بيخلينى اتسلل للأوفست واشرب ماية من غير ما الحاجة الفراشة العصبية تشوفنى




وحتى الامن بتاع البوابة اللى كل ما اجي داخلة بكارنيه الجورنال (( لأنى ضيعت كل كارنيهاتي )) يهزأنى ويقولى ما ينفعش وبعدين يقولى بس هدخلك دى اخر مرة






دا غير المحاضرات نفسها و العيال كلها بتضحك عليا لأنى ما يحلاليش اسمع المحاضرة الا وانا بلعب سنيك .. الغريب انى بناقش الدكتور وببقى مركزة معاه وببقى قاعدة فى اول بنش ..




بس بينى وبينكم لما بلعب بلياردو ع الموبايل ببقى مش مركزة مع المحاضرة




وصاحبتي ياعينى بتبقى قاعدة حاطة ايدها ع قلبها لحسن اخسر وتنرفز ويبان عليا زي كل مرة هههههههههه




ولا الدكاترة اللى كلهم الحمد لله عرفونى ولو حتى بالشكل .. بس دايماً بيشوفونى بتمشى انا وانتيمتى .. او بتلامض .. او باكل مصاصة




والمكتبة وااااااااااااو ع المكتبة .. امينة المكتبة اللى هتموت وتعرف اما انا اعلام باجي عندها ليييه ؟




وهتموت تعرف مين الشعراء اللى اساميهم غريبة دول اللى باجي اسألها عن كتب ليهم




وهتموت تعرف ليه كل ما امسك كتاب الجنوبي اقعد اعيط ..




ولما انا اساسا بعيط منه بمسكه لييييييييه ؟؟



ولا ام جيجي .. ام جيجي اللى عمري في حياتي ما روحت يوم عندها واشتريت حاجة غير



(( واحد بيتزا وواحد شيبسى بالشطة وشيتوس بالشطة .. وهو مافيش شيبسى بالخل ؟؟؟؟؟؟ ))



وكل مرة تقولي مافيش وبردو بسألها



هههههههههههههههههههه



........ وسواقين الميكروباصات .. و



عاااااااااااااااااااااااااااااااااااااااااااالم كامل في الطريق للكلية وجوا الكلية وفى المدرج






وحشتنى كل الحاجات دى اوووووووووووووى يارب تبقى سنة كويسة يارب لأنى فعلاً متحمسة

_______________________


دي الصورة اليتيمة اللى لقيتها ع النت للكلية بتاعتى هع هع من مظاهرة

27 بوينتس أوف فيو:

أبو أسامة - مدونة كباية شاي يقول...

ألف مبروك العودة للدراسة
عقبال التخرج إن شاء الله

blue-wave يقول...

هههههههههههههههه
اول مرة اشوف حد فرحان برجوع الدراسه:))
بس عموما ربنا يوفقك يارب

Dexter! يقول...

انا بردو رجعت

للحر ووجع القلب

روحت و يارتني ماروحت

انا بفكر افجر الكليه بتاعتنا

بس خايف علي المزز يتخضوا ولا حاجه
هع

رئيس جمهوريه نفسى يقول...

كل سنة وانتى طيبة وسنة سعيدة عليكى يارب وبالتوفيق ان شاء اللة رب العالمين
وكل سنة وانتى طيبة ورمضان كريم ان شاء اللة

MaGn0liA... يقول...

حاجه حلوه انك بتحبى كليتك

نفسى ارجع احب كليتى زيك كده

ما شاء الله يعنى :)

غير معرف يقول...

كل سنه وانت طيبه وسته سعيده عليك وبالتوفيق ياسمو الاميره

kafrawy يقول...

وحدووووووه
محدش واخد منها حاجه

كلمتى يقول...

وانا كمان والله ياساروره

وحشتنى الدراسه اوووووووووووووى

وحشتنى لمتنا وذلنا واحنا مستنين الدكتور يجى والفراش مش راضى يفتح المدرج


وحشنى لعبنا مع بعض والاسئله المريبه اللى كنا بنجاوب عليها

وحشتووووووووووووووونى كلكم

طالب ثانوى يقول...

ازاى فى حد يحب الدراسة يمكن علشان انتى فى كلية اخش على كل مدونة الاقيكوا فرحانين دى حاجة تخنق

انا ودماغي يقول...

قشطة؛)

جميل إن الواحد يحب كليته كده
أنا أول مرة أدخل الكلية و حاسة أنى خايفة..مخنوقة ..فرحانة حجات كتير أوى
بس انا خايفة أكتر و مش عارفة ليه

Appyplanet يقول...

مبروك رجوعك ربنا معاكى شدى حيلك بقى

المحارب المتيم يقول...

سمو الاميرة سارة

رغم انى مش بحسدك خالص على ايام الدراسة

بس بتمنى من كل قلبى ربنا يجعل ايامك

فى الكلية احسن من ايامى

بس قوليلى

هى كليتك اللى من غير يافته دى

فين ؟؟

يارب سنة سعيدة

سمو الأميرة سارة يقول...

ابو اسامة .. الله يبارك فيك ياااااااارب ويارب يسمع منك .. بجد نووووورتنى يا ابو اسامة

سمو الأميرة سارة يقول...

د/ عمرو .. انا انا انا بحب الدراسة اوى علشان ما بذاكرش اصلا ههههههههه .. كل سنة وانت طيب ويارب يسمع منك اللهم اميييييين

سمو الأميرة سارة يقول...

دكستر ههههههههههه فجر واتكل ع الله مش هيلحقوا يتخضوا ههههههههههههههه

سمو الأميرة سارة يقول...

رئيس جمهورية نفسه .. وانت طيب ياااااارب وسنة سعيدة عليك لو كنت بتروح كلية واسعد لو ماكنتش بتروح

سمو الأميرة سارة يقول...

ماجنوليا حبيبة قلبى .. والله الكلية بتاعتى وجع قلب ومقرفة اوى بس برغم كل حاجة بحبها .. مش عارفة ليه .. يكونوش عاملين لي عمل ؟؟ ههههههههههه

سمو الأميرة سارة يقول...

غير معرف .. وانت / وانتى طيبة يارب .. ميرسى اوى

سمو الأميرة سارة يقول...

كفراوووووووى .. هههههههههههههههه اموت واعرف انت بتعلق فين ههههههههه

سمو الأميرة سارة يقول...

كلمتى ..... هههههههههههههههه يبقى هم عاملين لينا عمل على باب الكلية مدام انتى كمان بتحبيها ههههههه والله وانتى كمان وكل البنات يااااااااه دا حتى ياسمين وحشتنى انتى متخيلة انا وصلت لأنهى وضع ؟؟ ههههههههههه

سمو الأميرة سارة يقول...

طالب ثانوى .. والله وانا في ثانوي بردو كنت بحب الدراسة اوى اي بس قبل ثانوى كنت بكرهها

سمو الأميرة سارة يقول...

انا ودماغى .. ماتخافيش يا بنوتة بجد الخوف هيخليكي تباني انك سنة اولى وهيستقصدوكي هههههه لأ بجد اوعى تخافى دا مساحة الجرأة والحرية حتى فى التعامل بينك وبين الدكاترة في الكلية اكبر ومساحة اثبات ذاتك اكبر اوعى تضيعى الفرصة دى

سمو الأميرة سارة يقول...

آبي .. الله يبارك فيكي يا احلى بنوتة .. انا لحد ماشوفت الجدول وعرفت الدكاترة اللى هيدونى كنت ناوية اشد حيلى اول اما شوفتهم عرفت انه هيتقطع هههههههههه

سمو الأميرة سارة يقول...

المحارب المتيم .. هههههههههههههههه والله الكلية فيها يافطة بس دا باب الطلبة مش الباب الرئيسى .. كليتى يا سيدى في طنطا ..

maiosha يقول...

كل سنة وانتى طيبة وسنة دراسية سعيدة إن شاء الله

بس بجد إنتى عسولة خالص

إنتى حبيبتينى فى كليتك من غير ما اشوفها

ههههههههههههههههه

ربنا يوفقك

رئيس جمهوريه نفسى يقول...

سارة كلمة فى سرك ومش تقولى لحد يعنى انا خريج 99 :)

romyo يقول...

اسمى رامى خريج آداب طنطا قسم المكتبات2007 كانت ايام الكليه جميله بس الموقع الجغرافى اللى كان مطلع عينى شديد الحراره صيفا زمهرير فى الشتا.ولا المواصلات.بس بجد الكليه وحشتنى

المتابعون

اعتبرها بيتك ♥

وِش القفص

خليك ورايا

دليفري..