اولا ً طبعاً وحشتوووووووووووني بجد .. انا حاسة انى في معتقل
التليفزيون بتاعنا انفجر والنت فاصل والتليفون بايظ ورصيدي مفنش
حاسة اني لو كنت في معتقل كان الوضع هيبقى ارحم من كده شوية
انا طبعاً بكتب البوست دا وانا لائجة في سيبر الكلية عاااااااااااااااااااااا
المهم بقى لأنكم وحشتونى جداً جداً وبقالي كتير ما رخمتش عليكم ونزلت بوستات فقررت اضحي بمصروفي النهاردة وادخل اكتب البوست دا من سيبر الكلية (( ضحكة شريرة نياااااااااااها ))
ادخل بقى في الموضوع لحسن شكليبقيت رغاية اوى
(( آل يعنى قبل كده ماكنتش رغاية .. عدوها عدوها ))
الموضوع النهاردة عن حاجة بتفرسسسسسسسسني من المتجوزين
الراجل أو الست وغالباً بيكون الراجل هو اللي بيعملها اكتر
الراجل من دول تلاقيه محسسني انه في حرب مع مراته
او بيلعبوا لعبة والغلطة بنقطة و هو بيحاااااااارب علشان يمسك على مراته اكبر عدد ممكن من الغلطات علشن يكسب فورة
مثلاً مثلاً تلاقي الراجل داخل من البيت بيقول اييييييييه استعننا ع الشقا بالله يارب الاقيلها غلطة علشان افش غلي فيها
ويدخل يتسحب علشان لو كانت بتعمل اى حاجة يقفشها متلبسة
(( على فكرة سيدنا محمد - عليه الصلاة والسلام - نهى عن كده وأمر الزوج انه يستأنس قبل ما يدخل علشان لو زوجته بتعمل أي حاجة تلحق تظبط الوضع علشان عينه ما تقعش على حاجة ما تسرهوش فيبدأ يكرهها ))
المهم بقى ان البيه بعد ما يدخل يتسحب وما يلاقيش حاجة يتخانق عليها بيروح داخل جرررررررري على المطبخ
يشوف لو الاكل اتعمل ولا لأ ولو لقاه لسة ما اتعملش يفتح الجاعووووووورة
(( واييييه يا هانم انتى كنتي فين طول النهار فين الاكل ما عملتيهوش ليه ؟؟؟
اكييييييد كنتي بترغي في التليفون .. طبعاً ما انتى عايزة تخربي بيتى بافاتورة
ولا تلاقيكي قاعدة طول النهار قدام التليفزيون وناسية نفسك .. ايوة وانتى يهمك ايه اجي انا اكل الزلط بقى مش مهم
و ......... الخ الخ ))
وما يفكرش لحظة انها ممكن تكون تعبت او تكون حصلت ظروف او تكون عاملة له مفجأة
او حتى لو كسلت مرة ايه المشكلة ؟؟ ايه المشكلةانه يسمعها الأول وبعدين يبقى يحكم ويشخط وينتر زي ما هو عايز ؟؟
ما تفهمش بقى ..
ولو دخل ولقى الاكل معمول و كله تمام وفي طبق مش متغطي على ترابيزة المطبخ
تلاقي الجاعورة فتحت تااااااااااااااني
" الاكل دا ما يتغطاااااااااااااااش ليه ؟؟ "
ما يفكرش لحظة انها ممكن تكون سايباه ع الترابيزة وراحت تعمل حاجة مستعجلة وهتغطيه مثلاً ؟؟
او حتى لو نسيته ايه المشكلة لو تغطيه انت وخلاص ومافيش مشكلة مدام هي دايما ً بتغطي الاكل والمرة دي مجرد سهوة
لكن أبدااااااا ازاااااي يفوت فرصة يقدر فيها يقول على مراته انها مهملة ومش نضيفة و مش بتعرف تعمل حاجة ؟؟ ازاي يعنى هيكسب فورة ؟؟
والستات بردو عليهم عمايل تنقط .. تلاقى الست فاهمة جوزها وعارفة انه على وشك يعمل حاجة تضايقها
وتروح سايباه لحد ما يعملها وتقوله انت عملت وسويت وهببت وانا غلطانة انى اتجوزتك
دا انا كان متقدملي ابن وزير وسيبته علشانك .. بلا نيلة كنت هبلة و ........... الخ الخ
طييييب ليييييييييييييه ؟؟
ليه يا جماعة محسسني انها معركة حربية ؟؟
ليه الزوجين بيعتبروا بعض اعداء ؟؟؟
ليه لازم كل طرفيحاول يثبت ان الطرف التاني اغبي واوحش واسوأ انسان في الدنيا ؟؟
بجد مش عارفة المفروض الاتنين يكونوا مكملين بعض
الاتنين يداروا على عيوب بعض ويصلحوها
لأنهم اصلاً واحد مش اتنين
لن كل واحد نص للتاني .. جزء من التاني .. بجد انا اتفرسسسسسسسست وزهقت ونفسي اشوف اتنين يوحدوا ربنا
مش عايشين مع بعض باسلوب التلاكيك دا
حد والنبي يعرف اتنين مش بيتلككوا لبعض ؟؟؟
لو تعرفوا قولولي اروح اتصور معاهم :)
اولا من حيث انك رغايه ف ده امر مفهوش مناقشه
ردحذفههههههههه
ثانيا انتى عندك حق فى كل كلمه قولتيها
حاجه مش مفهومه طيب طالما انت مستنيلها ع غلطه
ومش بتحبها اتجوزتها ليه وتعذبها معاك
انا مش عارف
و ع فكره انا اعرف اتنين مش بيتخانقوا اقولك مين
انا و مراتى مستقبليا بس ادعى انتى بس
------------------------------
كان معكى من امام الكيبورد
واحد مخه لاسع شويه
شبـــ اون لاين ـــاب
الاسكندريه
-----------------------------
كلامك مظبوط .. وإن كنت أرى إنه لايعبر سوى عن بعض الحالات الفردية، بمعنى إن مش كل المتجوزين كدة
ردحذفدا غير إنك طلعتى الراجل هو المفترى والست هى الغلبانة رغم إنها ممكن تكون العكس برده .. ماعلينا من النقطة دى
أهم شئ فى أساس العلاقة الزوجية هو التفاهم والمودة بينهم .. لو دى موجودة مش هنلاقى الصورة إللى إنتى عرضتيها خالص
دمتى بكل الود .. تحياتى
a el habal da ? besara7a ma2retsh ahbal men el modawana de :D
ردحذفوعليكم السلااااااااام
ردحذفاهو من بختى دخلت على اول تعليق
فى واحد قال كلمه مشوره فى الموضوع دا
قبل الجواز :هى تتكلم وهو يسمع
بعد الجواز :هو يتكلم وهى تسمع
بعد الجواز بسنه : همن الاتنين يتكلمو وامه لا اله الا الله هى اللى تسمع
هههههههههههههههههههههه
ردحذفوالله معاكى حق
ياترى هما بيعملوا كدا ليه؟
طيب اتجوزوا ليه من الأول؟؟؟؟
كلامك معقول جدا بس انتى محسسانى ان الزوج قاعد لمراته بالبندقيه ولو ظهرت ادام هايطخها قناص يعنى
ردحذفده مفيش ارق و لا احلى و لا الطف من الزوج
استات هما اللى اعوذبالله
يدوبك يخش الاستاذ من هنا و ترمى عليه الشبك و الحق واعمل و سوي و شوفلك صرفه ف ولادك دول بقى و انا زهقت و انا طهقت
و هكذا
الله يعينالازواج على الظلمه
ههههههههههههههههههه
ردحذفو انتى مالك يا بنت الحلال بالقصص دى
اما جوزك يعمل معاك كدة ابقى تعالى اشتكى
اهلا يا سمو الاميره ساره ايه اخبارك
ردحذفوحشنا رغيك الصراحه
هههههههههههههههههه
اقولك بقى يا اميره انتى عارفه لو الزوجين دول بيحبوا بعض قبل الجواز وعايشين قصه حب وبيفهموا بعض مكنش دا الوضع
اكيد هيكون فى لغه تفاهم بينهم
ان شاء الله يا سوسو .. مش هسيبك يوم فرحي .. ولازم تيجي وتتصوري معايا الصورة دي .. لان انا وهو ان شاء الله هنكون زي ما انتي نفسك تشوفي الاتنين اللي مش موجودين في الدنيا .. بس ادعي ربنا كدا يقرب البعيد وكل حاجة هتبقى تمام ..
ردحذفسمو الاميرة
ردحذفبصى يا ستى أنتى معاكى حق فعلا بس د مش صورة كل المتجوزين ف ناس رغم قلتها بتقدر زى أنا كدة بس بعد ما أجوز إن شاء الله
تحيتى
واحد مخه لاسع شويه
ردحذفشبـــ اون لاين ـــاب
الاسكندريه
بالظبط كده متجوزها ليه ؟؟؟؟؟ تفتكر علشان يفرغ غيها طافته العدوانية ؟؟ متهيألي بردو
نوووووووورتني يا لاسع يا زمل هههههه
وابقى اعزمنى على الفرح علشان اتصور معاكم
بس حاول تعمل الفرح بسرعة علشان نفسي اتصور معاكم قبل ما اموت :)
د/ رامي شهاب الدين .. للأسف انا شوفت الموضوع دا في ناس كتير متجوزة وان اختلفت الدرجة .. يعنى مش شرط يبقى فاتح الجاعورة بس بيتلككوا الاتنين لبعض .. وبالنسبة لأن ممكن يكون العكس ففعلاً بيحصل وانا قولت والله بس ما جبتش امثلة ليه بقى لأن وانا قاعدة في سايبر الكلية لقيت واحدة واقفة ورايا في عز اندماجي في كتابة البوست وانا ماعرفش اكتب وحد بيراقبني اتديرتلها قولتلها خير قالتلي لأ انا بتفرج اصلك بتكتبي بسرعة وحلو أوي فمنها لله ضيعت الافكار من دماغي :((
ردحذفايهاب بالرغم من ان اعلى مراتب الاحتقار الصمت الا انى هرد عليك علشان الكلمة محشورة في زوري .. لما هي مدونة هبلة كلفت نفسك ليه علشان ترد عليها ؟؟
ردحذفصابر وراضي
ردحذفههههههههههه للأسف مش أول تعليق البخت طلع فشنك
ههههههههه
كلامك مظبووووووط جداً - للأسف - بتلاقى كل الشارع عارف كل حاجة حصلت في كل بيت في الشارع ومن هنا بردو بتزيد المشاكل
بلو ويف
ردحذفاهو دا السؤال اللولبي في بوست النهاردة .. شكلهم اتجوزوا تخليص حق هههههههههه
سيبك انت نورتنى والله من بعد غياااااااب
بيبرس 222
ردحذفاممممممممممممممممم شكلنا هنتخانق بقى .. مالهم الستات يا سي بيبرس ؟؟ على فكرة صحيح لو قولت لجوزى انت رقيق اوي يا حبيبي ممكن يسكعنى بالقلم .. مافيش راجل رقيق .. طب وقف اول راجل في الشارع كده وقوله انت رقيق وتعالى احكيلي
نياااااااهاااااااا دا انت لو عملتها هتتظبط هتتظبط يعنى ههههههههههههه
كغراوي
ردحذفتاااني يا كفراوي .. مش انا قولتلك قبل كده انى بقدم السبت علشان القى الحد .. اصلي بينى وبينك ناوية اخلي جوزي يقرا المدونة .. فبرسيه على الدور من أولها شفت انا ناصحة ازاااااي
رومانسي .. انا بقول كده بردو هي الدنيا من غير رغي تتتعاش ؟ هههههههههه
ردحذفبالنسبة للموضوع للأسف شفت ناس بيحبوا بعض وعملوا كده تقريباً كده السبب حاجة في دماغ البني آدمين
الاء الشيخ .. يااااااااااااااااارب يا لؤلؤتي
ردحذفانتي يوم فرحك مش هعتقك هتصور معاكي ألبوم كاااااااااااامل
ههههههههه يارب حبيبتى يكرمك ويريح بالك يارب
المحارب المتيم .. فعلاً مش كل المتجوزين بس اغلبهم ودايما حتى لو مش الزوجين كده بتلاقي طرف كده والطرف التاني طيب .. ربنا يهدي سر كل ولاد المسلمين يارب
ردحذفياااااااااااااه .. من 2008 ؟؟ :))
ردحذفياااااااه يا سها :D انتي وصلتي للبوست دا ازاي ؟
ردحذفوحشتيني <3 جدًا جدًا