لعلمك

لعلمك

إقرأ لي

دخلوا بكليك شمال :D

Blog Archive

السبت، أبريل 04، 2009

postheadericon ايه احساسك لو حد قالك يا سحلوس ؟

اول ما دخلت ع الفيس بوك كنت مغرمة بحاجة اسمها الكويزات

فدخلت احل كويز في مرة وبعدين طلعت النتيجة

" انت سحلوس كبير "

طبعاً احمريت واخضريت وقولت اما ولاد شحيبر صحيح

بقى ادخل واعمل الكويز واضيع من وقتي الضايع خمس دقايق وفي الاخر اتشتم

انا احتج ومش عارف ايه وكتبت ع الوول بتاع الكويز يعني ايه سحلوس يا ناس ؟؟ علشان الواحد يعرف نفسه يعني

راح واحد شامي ماعرفوش ربنا يكرمه تبرع وقالي الحقيقة

وطلعت سحلوس يعني حد طيب وكويس

ساعتها افتكرت كمية الشتايم اللي بسمعها وماعرفش معناها بس بتحمق اووووووووووى


يعني مثلا ابقى راكبة الميكروباص والسواق يبدع بقى وطبعاً انتوا عارفين السواقين بيبدعوا يقولوا ايه

فانا احمررررررررر لأني سمعت الشتايم دي

واتكسف اوووووووووي لمجرد انها اتقالت قدامي .. مش اتقالت لي

وانا ماعرفش معناها اساساً بس عارفة ان دي كلمة عيب من الدرجة الأولى يعني

وأصلا مش بجروء اسأل عن معناها

بس مؤخراً عرفت ان معنى كلمة من اللي بعتبرها من فظاااااااائع الشتايم معناها مش وحش خالص

بالعكس .. موجودة في القاموس كمان

فاستغربت وقولت دا يبقى غباء مننا ولا ايه

لما نزعل من حاجة ما نعرفش معناها

والمصيبة انها ممكن ف الاخر تطلع حاجة حلوة مش شتيمة !!

ومن هذا المزنأ احب اقولكم اني قررت اني مش هزعل من أي شتيمة ما اعرفش معناها

احم .. مش أوي يعني .. انا هحاول ما ازعلش او هحاول اعرف معناها حاجة م الاتنين هههههههههههه

و احب اقولكم في الآخر انكم كلكم سحاليس وزي العسل

وربنا يستر بقى وما يكونش الواد الشامي اشتغلني

وسحلوس دي تطلع ف الاخر شتيمة ههههههههههه

12 بوينتس أوف فيو:

mido يقول...

سحلوستنا عايزين نعرف الكلمة اللي اكتشفت أنها مش شتيمة :)

سمو الأميرة سارة يقول...

ههههههههههههههه لأ يا ميدو ما ينفعش اصل الناس مش بتستعملها بمعناها بتستعملها وحش

ِِAdem El-Mahdy يقول...

سحلوس

اسم كوبس

بس اعتقد لو حد قاللى كده

هزعل

وبس

ماجد إبراهيم يقول...

اما انك سحلولة صحيح
وانا فاكر ان سحلول دي كلمة وحشة
اخسسسسسس
لا صحيح اخسسسسسسس....
هههههههههه

سمو الأميرة سارة يقول...

آدم .. ليه بس يا آدم ماهى طلعت كلمة حلوة اهي وزي الفل !!

سمو الأميرة سارة يقول...

مااااااااااااااجد انت شغال سحلول وسحاليل وهي اصلا سحلولس هههههههههههه انا ما اضمنش سحلول ايه نظامها انا عن نفسي بستخدمها للتعبير عن السحللة عند الناس

mohamed ghalia يقول...

ههههههههههههههههه
ربنا يستر بقى ومتطلعش شتيمة والإ البلوجر هو الى هيسحللنا كلنا ههههههههههه

سمو الأميرة سارة يقول...

ههههههههههههههههههههه انا مش انا يا محمد واليوزر دا مسروق من اول امبارح بالليل :D

عندما تكون ميمى وحاجات كتير مع بعضها كده يقول...

هههههههههههههه انا اصلا كنت بقعد اقول لاصحابى انتى يام سحلول هههههههههههههههه يلا طلع معناها حلو هبقى اقولهم بقى علشان مش يضايقوا ههههههههههههههههههههههه

وانتى يانسه مش بتيجى عندى تزورينى ليه :(

سمو الأميرة سارة يقول...

يالهووووووووووووووى هروح في داهية .. ميييييييييييييييمي انا بقول سحلوس مش سحلول اصحابك هيقتلونى ههههههههههههه

والله يا قمراية انا جهازى كان بايظ ولسة متصلح امبارح حتى تلاحظي اني ماكنتش هنا فترة كده بس هاجي اكيد ان شاء الله

kafrawy يقول...

فكك

مامة مازن يقول...

مدونتك حلوة اوعدك اكمل قراءتها
انتى مش لاسعة ولاحاجة انتى بيضحكى علينا
انتى مخك كبير وشغال كمان
تحياتى

المتابعون

اعتبرها بيتك ♥

وِش القفص

خليك ورايا

دليفري..