لعلمك

لعلمك

إقرأ لي

دخلوا بكليك شمال :D

Blog Archive

الثلاثاء، أبريل 07، 2009

postheadericon وقطفت الرمش




دلوقتي بالظبط بالظبط

يوم 7 ابريل

الساعة عشرة الا ربع

انا بلعب ف الوقت الضايع بين الـ 19 سنة والعشرين سنة

حاسة اني بكبر والسنين بتتسحب من بين ايديا

بس إلى حد ما راضية عن ايقاع حياتي

قطفت رمش واتمنيت امنيات كتيرة

مش عارفة هتتحقق ولا لأ

وأصلاً لو اتحققت هبقى مبسوطة ولا لأ

بس الأمنية اللي بجد نفسي تتحقق

إني نفسي بكرة اشوف كل الناس اللي بحبهم وفي نفس الوقت بيحبوني من قلبهم

مش ناس بحبهم ع فاشوش وهم ما يستاهلوش


ونفسي اشوف بناتي الأربعة

ونفسي بكرة ما تحصلش حاجة تزعلني أبداً


ونفسي مافيش ولا بالونة تفرقع في وشي وانا بنفخها

والمصاصة تطلع من غير لبان علشان بيبقى مجلد

والفيشار يطلع مملح ومقرمش في نفس الوقت

وايه كماااااااااااان

آه نفسي ................................................

ونفسي كمان .....................................................................


قولوا آمين

:)

27 بوينتس أوف فيو:

heba يقول...

ربنا يحققلك كل اللي نفسك فيه...عيشي واستمتعي بكل لحظه..

mido يقول...

انت نسخة من كيارا :) كل سنة و انت طيبة

حياة يقول...

عيد ميلا د سعيد وتشوفى كل الناس اللى بتحبيهم والبالونات ما تفقع والمصاصه والفيشار وهدايا كتير واهمها السعادة

تحياتى

mohamed ghalia يقول...

دى ايه الأمنيات الكبيرة دى ههههههههه
ربنا يكرمك ويسعدك ودايما مستمتعه بوقتك

bosysendrella يقول...

كل سنة وانتي طيبة يا احلي بنوتة لاسعة في الدنيا D:

Appy يقول...

كل سنه وانتى كميله
ويا رب يحقق لكى كل اللى عاوزاه

mosooz يقول...

كل سنة وانتى طيبة ياساؤة
ويارب السنين الجاية كلها تبقى احلى وافضل وتحققى فيها كل اللى انتى عايزاة

دمت بخير

غير معرف يقول...

يا حبيبتي كل سنة و انت طيبة و عقبال مليوووووووون سنة.. كل دا حستيه عشان بقي عندك عشرين سنة؟ امال لما يبقي عندك 30 سنة هتعملي ايييييييييييييييه؟ احم احم ههههههههه

بسنت

king_somya يقول...

كل سنه وانتي طيبه ياحبيبتي
عيشى الحياة بكل الوانها
وربنا يحقق لك كل امنياتك

فكرة من الزمن ده يقول...

آآآآآآمين
وربنا يحققلك كل اللي بتتمنيه واحنا كمان
قولي امين
وكل سنة وانتي بخير
تحياتي

عندما تكون ميمى وحاجات كتير مع بعضها كده يقول...

كل سنه وانتى طيبه ياجميله وان شاء الله امنياتك كلها تحقق

شباك موارب يقول...

كل سنه وانتي طيبه ياعسل
وان شاء الله تتحقق كل امانيكي


ودمتي بخير


منار فايد

kafrawy يقول...

كل سنه و انتى طيبه يا ساره

متنسيش وانتى داخله ع عشرين

ان السنه دى احلى سنه ف العمر هيا سنه العشرين

واسمعى منير كتيييييييييييير

امبارح كان عمرى عشرين

سمو الأميرة سارة يقول...

هبة يا قمراية .. ياااااااااااريت اقدر استمتع انا اخدت الفرار دا بس ربنا يسهل واعرف انفذه

سمو الأميرة سارة يقول...

ميدو .. هههههههههه كيارا بمووووووووووووت فيها بجد ربنا يبعت سيمبا بقى ونتلم في بيت هههههههه

سمو الأميرة سارة يقول...

حياة ربنا يخليكي ياقمراية انا الحمد لله كان يوم جامد رغم اني ما شوفتش كل اللي بحبهم بس كده روضا اووووووى هههههههه

سمو الأميرة سارة يقول...

محمد غاليا : ههههههههههه شوفت انا قنووووووووووعة ازاي ههههههههه يارب امين وانت كمان وكل حد كويس يارب

سمو الأميرة سارة يقول...

بوسي القمراية وانتى طيبة يا حبيبة قلبي

سمو الأميرة سارة يقول...

آبي حبيبة قلبي وانتى طيبة يا جميل ويااااارب يسمع منك

سمو الأميرة سارة يقول...

موسوز ( يارب اكون قولت الاسم صح ) وانت طيب دايما ً يارب ويارب يسمع منك ولك مثله ان شاء الله

سمو الأميرة سارة يقول...

احلى بسنت في الدنيا واحلى واصغر دكتورة اللي مش هتكبر أبداً :)) انا من دلوقتي لمابفكر ف الاربعينات بكتئب
بس لو اضمن اكون زيك كده عثولة ومش بيبان عليا سن هدووووووووس هههههه

سمو الأميرة سارة يقول...

اكينج سومية : وانتى طيبة يا بنوتة يا قمراية ويارب عقبالك يوم ميلادك لما تنولي اللي شغل بالك :)

سمو الأميرة سارة يقول...

فكرة من الزمن دا : يااااااااااااارب اللهم اميييييييين وكل حد بيتمنى الخير لحد ما يعرفوش او يعرفه ويسعدك يارب

سمو الأميرة سارة يقول...

ميمي القمراية يااااااااااااارب اميييييييييين وما يحرمنى منكم يارب

سمو الأميرة سارة يقول...

منار ياقمر عاجبنى اوى شباك موارب :) وانتى طيبة يا احلى بنوتة تسلميلى يارب

سمو الأميرة سارة يقول...

كفراااااااااااوى وانت طيب دايما يارب وتصدق فعلا بسمع منير كتتييييييير بس مش امبار كان عمري عشرين ههههههههه

ماجد إبراهيم يقول...

انا متفق معاكى في بعض الكلام ومتفق في كلام اخر

فأنا ضد مغالاة بعض الصحفيين وصحفهم في نشر الحوادث البشعة والتركيز عليها
لكنى لست مع الغاء صفحة الحوادث تماماً
لآن لابد أن الناس تتطلع على جديد الحياة في كل شىء
واللى مش عايز يقرا الحوادث دي مشكلته هو .. ما يقرهاش خالص

فالغاء الصفحة اعتبره اهواء شخصية منك ولا يمكنك فرضها على كل الناس حتى لو اتفق معك عدد كبير منهم
لكن يمكننا ان نطالب بالتخفيف من نشر فظائع الحوادث واحترام ادمية المنشور عنهم

النقطة التانية اللى متفق برضه معاكى في جزء منها ومختلف في جزء تاني
هى فكرة ان العقوبة تذاع في التليفزيون فأنا ضد هذا تماما ولن اضيف على ما قولتيه شىء
لكنى اختلف معاك في تصور حدوث هذا واعتياد الناس عليه فيصبح من العادى ارتكاب نفس الجرائم رغم اذاعة العقوبة علنا
فهذ1ا لن يحدث بل العكس هو الصحيح
مجرد سماع الناس وتداولهم لقصة شخص عوقب عقاب حقيقى وصارم سيخوف كل نفس من الوقع في نفس الخطأ حتى لا يتعرض لنفس العقاب

ويا عزيزتى احد اشد المآسي في مصر
هى عدم تنفيذ شرع الله وادعاء اننا دولة اسلامية دستورها مستمد من الشريعة الاسلامية
فالله عز وجل لم يضع حد لن يجدى
ولا يمكن لسارق ان قطعت يده وسار في الشوارع بتلك العاهة والناس تعلم انها بسبب السرقة فيسرق غيرها
والامر ذاته على الزنا

المشكلة اننا نتعامل مع الدين من قشوره وظواهره ونترك باطنه وجوهره

المتابعون

اعتبرها بيتك ♥

وِش القفص

خليك ورايا

دليفري..