لعلمك

لعلمك

إقرأ لي

دخلوا بكليك شمال :D

Blog Archive

الأربعاء، يونيو 03، 2009

postheadericon ع فكرة

على فكرة
لما نقول " الشجرة المثمرة دايماً الناس تحدفها بالطوب " كمثال على مهاجمة الناس للانسان الناجح
قمة السذاجة .. مافيش أي وجه شبه
الناس بتحدف الشجرة المثمرة بالطوب علشان تاخد ثمرها مش أكتر
لكن لما بيحدفوا البني آدم بالباطل وبالدبش
بيكونوا عايزين يوقعوه
حتى لو ما اخدوش ثمرة .. مش مهم
الناس لما بتحدف الشجرة ما بتبقاش حاقدة عليها
ببساطة لأنهم مش شجرة

8 بوينتس أوف فيو:

مامة مازن يقول...

تصدقى بالله عمرى ما فكرت فيه كده خالص
هما فعلا مش شجرة علشان كده مش غايرين منها
ولما بيحدفوها بالطوب بينزل لهم ثمرة يعنى عبطهم ده ممكن يكون لهم بفائدة
طب لما بيحدفو انسان ويغلطو فيه هيستفادو ايه هما بس فعلا عايزين يوقعوخ ويكفوه على وشه
تصدقى سموك مش لاسعة ولا حاجة
فعلا ما فكرتش فيها كده خالص
عارفة ميرو بنتى ام 7 سنين لما بتفهم حاجة مثلا او تسال سؤال عويص اقولها
اه يا عجوزه اسمحيلى اقولك اه يا عجوزة
ربنا يوفقك يا سرسور

سمو الأميرة سارة يقول...

مامة مازن .. انا نفسي بحس نفسي اني عجوزة بالمعنى دا مش عرفة انا عشت قبل كده امتى ههههههههههههههههه .. لأ بجد هي كل الحكاية ان الوحل نزل عليا وانا بذاكر ففكرت أوي في الحكمة دي فاكتشفت انها فيها ثغرة بث D:

mido يقول...

الشجرة المثمرة وحدها هي من تقذف بالحجارة من أجل ثمرها
--------------------------

قصف الانسان الانسان الناجح و الهجوم عليه
----
وقوعه و تثبيطه = الثمرة

عرفة فاروق السيوطى يقول...

سمو الأميرة

ازيك

قمة البلاغة

فعلا كلامك مظبوط جدا من واقع خبرتى الشخصية

كنت بتحدف كتير بس الحمد لله محدفتش حد

تحيتى

اعقل مجنونه يقول...

ممكن
لان الانسان اما بيحدف حد ناجح بيكون علشان يوقعه لكن اما بنحدف الشجر بيكون علشان ناخد منها ثمره بس مش نوقعها كلها

سمو الأميرة سارة يقول...

وجهة نظر يا ميدو وممكن .. بس صعب أوي نشبه الحقد والحسد بثمرة

سمو الأميرة سارة يقول...

عرفة منورني ... ربنا يقييك شر الحدف والحادفين :)

سمو الأميرة سارة يقول...

أعقل مجنونة .. هوا دا .. بجد جبتي جون

المتابعون

اعتبرها بيتك ♥

وِش القفص

خليك ورايا

دليفري..