لما هو مش عايزها حاول ياخدها ليه ؟؟
سؤال دايماً بيحيرني بخصوص الولاد اللي بتلعب بالبنات
لما هو مش عايز البنت دي فعلاً ليه بيحاول يمتلكها ؟؟
ليه بينقي دايماً البنت الرقيقة والحساسة واللي عندها أخلاق ويصمم انه يكسر قلبها ؟؟
معقول بجد لما بيشوف منها الحب والحنان والاخلاص قلبه مش بيرق ؟؟
معقول ما بيحلمش معاها بالبيت الجميل اللي ماليه الحب ؟؟
بيقولوا من القلب للقلب رسول ودا مش صح
لو فعلاً كده كان رسول قلبه قال لها انه كذاب .. الرسل ما بتكدبش
او كان رسول قلبها وصل له قد ايه هي اتعلقت بيه
بجد زعلانة عشانها وعايزة اقولها
" بونبونايتي الحلوة .. اللي يقدر يضيعك رغم انه عرف قد ايه انتي روعة يبقى ما يستحقكيش
شوفتك قوية ومش مكسورة رغم اللي حصل ، بس خايفة تكون جراحك نزيفها داخلي
عيطي بس مش كتير
خلي الدموع تطهير جروح
وافتحي صفحة جديدة .. بحبك اوي وفي مليوووووووووووون حد بيحبك زيي
ومتأكدة انه في يوم من الأيام هيندم على ضياعك
بعد ما يعرف طعم " العلقم " اللي أكييييد هيبقى طعم قاسي أوي خاصة بعد حلاوة البونبوني "
_______ ملحوظة ________________________________________________
مش معنى انك ما تفهمش قصدي من البوست ان ليك الحق تتريأ عليه
لو سمحت لو مافيش كلمة مفيدة اقرأ وارحل
ازيك يا سارة عاملة ايه
ردحذفهما البنى آدمين كده فيهم الصالح والطالح فيهم انسان انسان وانسان حيوان مبيفكرش الا بغريزة الافتراس
المهم فى الحب اننا ما ننساش كرامتنا ومنتنازلش عن اخلاقنا ومبادئنا علشان كده بالسلامة اللى ميقدرش الطيبة والخير اللى معاه ويبقى وجع القلب مقدور عليه ولا وجع الكرامة واحساس بالذنب دول اللى مش مقدور عليهم
اللى يحب لازم يلاقى اللى قدامه محافظ عليه ده اللى بيخليه يستحمل اى عقبات علشان خاطره وان كان العكس يبقى احسن الف مرة انه حصل الانفصال ده اكيد اكيد الخير اللى هيفرحها لسه ميعاده هييجى
تعليق طويل معلش بس بجد بيوجع قلبى قوى الحاجات دى وبتصعب عليا جدا البنت بتبقى متصوراه ملاك وللاسف يا حبيبتى بيبقى انسان بغريزة حيوان
طيب مانتي قولتي
ردحذفبيلعب بيها.. دة اقتراح
وممكن يكون اكتشف انهم مش متوافقين مع بعض و انها متنفعش تبقى زوجته
وممكن وممكن
متعرفيش
you've to ask'em
سلام عليكِ
معنديش حاجه اقولها
ردحذفهههههههههههههههههههههههههههه
بس فى كلمه واقفه ف زورى نفسى اقولها
خليك ف حالك
سلام
ساره الاسعه
ردحذفالحمد الله يارب لسه ماقابلتش حد كدا وبقول لسه لان كل حد فينا اكيد بيقابل ناس من دي وبتتعرض عليه
الاغرب بقى ياجميل
ان البنت بتبقى عارفه من جواها انه بيلعب بيها ومع ذلك مستمره لحد ماتقه الطوبه في المعطوبه
هههههههه
منار فايد
السلام عليكم
ردحذفازيك يا سمو الاميرة يارب تكونى بخير
اخبار الامتحانات ايه
ذاكر تنجح
كانوا بيحفظونا الجملة دى فى ابتدائى
عامة
موضوع اللعب ده والله بقى صفة ملازمة للشباب اليومين دول عند الاولاد والبنات واكتر بالطبع عند الاولاد
وده سبب من ضمن اسباب نقمتى على الشعب المصرى
مش هكتر ربنا يهون علينا احزاننا
تحيتى
انا هقول رأيي
ردحذفبس ياريت محدش يزعل منه
ده مجرد رأي
واختلاف الرأي لا يفسد للود قضيه
خرجنا من الموضوع
ام عفاف بقي :D
اكتر البنات بتكون متحيزه للبنات
اكتر الولاد بتكون متحيزه للولاد
حاولي تكوني لا متحيزه لـده ولا لـده
كلامي ده مش جايبه من دماغي
بس حصل قدامي اكتر من موقف
بنات بتكون هي اللي بدأه
وبرده احيانا ولاد بتكون بدأه
وبالذات اليومين الاخرانين دول قبل ما اخلص امتحاني
كان فيه واحده هي اللي بتلعب بقلب الولد
يعني مش معني كده ان البنات كلها كده
فا حاولي تكوني مش مع الولاد ولا البنات
هتحسي فعلا ان مش الولاد بس اللي بتعمل كده
تاني مره ياريت محدش يزعل من كلامي
تحياتي,,
شريـــــــــف
انت رقيقة اوي
ردحذفاية دة كل دى مدونات طيب قولى واحدة بنوتة لاسعة زى الفل ماشى لكن اربعة مش والا خامسة مش فاكر المهم انا عندى اتنين فاضل لية كتير على ماوصل ليكى المهم تحياتى لحضرتك اتمنى لو يكون هناك تواصل وتشوفى مدونتى ياربى اتنين
ردحذفhttp://emadkhalaff.blogspot.com/
والتانية بحلم ببكرة
السلام عليكم ورحمة الله وبركاته
ردحذفعلى فكرة مش شرط الوالد هو اللى يسيب البنت فى بنات كتير بتعمل كدة برضة يعنى زى ما فى شباب بيلعب اكيد فى بنات برضة كدة احنا مش ملائكة استاذة
احنا بشر
تحياتى لحضرتك على فكرة ماقولتى رايك فى المدونة بخيلة شكلك كدة على العموم انا جيت وزرتك ياريت تعمليها ماشى يابنوته يالاسعة
nfs el so2al eli gwaya ya sara wallahi
ردحذفt2olish el welad maby7esosh wla msh bni2admin???
nfs el so2al eli bs2alo l nfsi
ردحذفبجد ياساره وجعتينى اوى بالبوست ده
ردحذفلانى كنت اعرف واحد بيعمل كده وفى الاخر
حب بجد ولما سبته حبيبته عرف ان ربنا بيسلط ناس على ناس
نفس اللى عمله مع البنات اللى كان بيقولهم انه بيحبهم عملته معاه حبيبته
وكذبت عليه وهى ما كنتش بتحبه
زى ما قالو زمان الحب عذاب وناره لو حصلت الدهب تخليه تراب