لعلمك

لعلمك

إقرأ لي

دخلوا بكليك شمال :D

Blog Archive

السبت، يوليو 04، 2009

postheadericon ينفع تعيش مقسوم ؟؟




ياترى تقدر تعيش مقسوم ؟؟


تعيش نصين .... نص منهم متفائل و شايف ان بكرة احلى

ونص تاني شايف ان بكرة اوحش من النهاردة ؟؟

نصين صحيح ليهم نفس الأحلام لكن .. في نص منهم شايفها مستحيلة

والتاني شايفها ممكنة

ممكن يكون النص المتفائل ساذج


ممكن يكون لسة ماعرفش الدنيا صح

ومش قصدي بالكلام دا التناقض الطبيعى اللي في كل انسان لأ ..

التناقض مش بيكون بالدرجة دي


التناقض بيبقى فيه شوية تدرج .. لكن دا بجد قسمة

ولأننا ما ينفعش نعيش مقسومين .. لازم نص يتغير يبقى زي النص التاني


أو النصين يتغيروا ويقفوا في النص.. لازم تلاقي حل وسط

و إلا هتموت
!

لازم المتفائل يبقى واقعي شوية والمتشائم يقلع نضارته السودا

ينسى ان الدنيا جرحته وينسى انه اتظلم ولسة بيتظلم

و يحاول يشوف ان الدنيا حلوة بما ان نصه التاني شايفها حلوة

وبما انه واثق ان العقل واحد والعقل راجح الي حد ما فلازم يفكر شوية في ان احتمال نصه يكون صح

واحتمال تكون فعلاً الدنيا حلوة



لو كنت وصلت - زيي - لمرحلة حاسس فيها انك نصين ،

انك مقسوم لنقيضين


حاول - زيي - تلملم نفسك .. وتقرب نصينك من بعض

وحتى لو أنا فشلت .. ماتخافش .. ممكن انت تنجح




From My facebook's Not's @ 9 Nov. 2008

9 بوينتس أوف فيو:

dodoo يقول...

سارورررره

اولا وحشششششششتينى جداااااااا

وبالرغم من غلاسه الكليه الا انى بحبها عشان بتجمعنا

ثانياً بقى واللى يخص البوست

انا دايما بحسنى مقسومه اتنين

بس مش فى التفاؤل والتشاءم

بحس انى اتنين فى حاجات تانيه كتييييييييير

مش دى بس

بس طبعا لااااااازم الواحد ياخد خطوه ويقف مع نفسه ويحسم موضوعه

ويشوف هو ايه فى الاتنين زى ماانت ماقولتى بالظبط

موضوع جميل ياساروره

طوبة ذهب وطوبة فضة يقول...

احب اقولك ان معظمنا دلوقتى عايش كدا نصه مهموم وخايف من بكره والنص التانى بيحاول يكون متفاءل ويطمنه انتى وصفتى حاله ناس كتير اوى بس احب اقولك ان دى رحمه من ربنا بينا لان النص المتفائل بيهونها على الجزء الواقعى المتشائم لان لو عشتى بالمتفائل بس هتتصدمى بمراره الواقع ولو عشتى بالمتشائم بس مش هتقدرى تكملى ولا خطوه لقدام عشان كدا لازم يكون النصين بيكملوا بعض مش شكل بعض وفى النهايه تلك هو الواقع فعشيه كماهو ولا تفكرى فيه اكثر مما يستحق

شباك موارب يقول...

على فكره ساعات بس مش دايما بجمع زيك في الحالتين.....
مش عارفه بتركب ازاي
بس المحصله اننا بنحس ااننا مخنوقين ومش عارفين احنا عايزين نعمل ايه؟؟

سلامي يابنوته
منار فايد

وميض ابتسامة يقول...

ياعزيزتى

علمتنى الحياة الا التفت ورائى .. فقد اخذت منها ما اخذت من تجارب واحزان وافراح .. ولم يعد فى مقدورى الا ان اعيش الواقع وانظر للمستقبل بواقعية مع لمسة امل فى تغيير قد يكون بيدنا او بيد القدر
فالتبحثى عن رباط قوى يربط نصفيك معا .. فلن تعتركى الحياة الا بهما معا وقد اتفقا على جانب واحد واتمنى ان يكون صاحب الامل فى حياة افضل

خالص تحياتى

عندما تكون ميمى وحاجات كتير مع بعضها كده يقول...

هو السؤال ياسارة ينفع تعيش مهزوم مش مقسوم يعنى وفى الغالب الى بيبقى مهزوم الجزء المتفائل

مامة مازن يقول...

يا سارة يا عسل مكتوب فى تعريفك 20 سنة يعنى انا اكبر منك ب11 سنة وعلى هذا الاساس احب اقولك ان نسبة كبيرة جدا من الناس وبيتهيئلى نسبة كبيرة من شعبنا الطيب عنده حالة الانقسام دى
الانسان الواحد نصه متفائل ان غدا افضل واحلى وووو
ونصه التانى متشائم وخايف ومرعوب كمان
وخاصة اللى عنده ولاد صغيرين زيى كده تلاقينا اقول لا دول ايامهم هتبقى حلوة وهيكون فى تغيير فى كل حاجة وهيكون للافضل ان شاء الله
وتلاقينى ساعات كتير اقول يا عينى ياولادى الله يكون فى عونكم ياترى بكره مخبى ايه
وايييه على راى شعبولا هنعمل ايه بس
بس ادينا بنحاول نعمل وسط فى الموضوع بحاول اخلى التفائل قدام وقبل الخوف والتشاؤم
وعلى راى شعبنا الطيب الصابر
اهى ماشية

عايش... ولكن !!!! يقول...

معظمنا كده
ان مكنش كلنا
موضوع جميل
دمتى بكل الود

Somaya Kamal El Din يقول...

عجبنى اوووووى

وهو فعلااااااا انا عايشة الحالة دى
بس بدات اتكيف مع الوصع

mohamed ghalia يقول...

جميل فعلا اننا نلاقى نفسنا بالشكل ده
التوبك هايل بجد

المتابعون

اعتبرها بيتك ♥

وِش القفص

خليك ورايا

دليفري..