اكتر حاجة ممكن تخرجني من أصعب حالات الاكتئاب واليأس والاحباط
هي الفكرة .. أي فكرة المهم انها فكرة جديدة
فكرة اكتبها .. فكرة ارسمها .. فكرة مفاجأة حلوة لأصحابي او لحد بحبه
فكرة مجنونة اعملها حتى في شعري في لبسي في اوضتي
أي حاجة .. المهم اني احس اني اقتنصت فكرة
وهنفذها قبل أي حد تاني ،
والمهم ان الفكرة دي لما هتطلع للنور هتحسسني اني انجزت حاجة
فبمجرد ما الاقي الفكرة ممكن اقوم اتنطط
ممكن اسقف بإيدي اووووووي واصوت صويتة فرحة
وغالباً الفكرة دي بتسرق مني النوم .. يوم يومين تلاتة ممكن شهور
لحد ما انفذها او احس انها مش قد كده
ولما يكون مثلاً لازم استنى وقت معين علشان انفذها
بحس ان الفكرة هتشق قلبي وعايزة تخرج
بحس اني انا نفسي عايزة اخرج برة جسمي
برة حدود الوقت والزمن والمكان
علشان انفذ الفكرة وارتاح
فبمجرد ما الاقي الفكرة ممكن اقوم اتنطط
ممكن اسقف بإيدي اووووووي واصوت صويتة فرحة
وغالباً الفكرة دي بتسرق مني النوم .. يوم يومين تلاتة ممكن شهور
لحد ما انفذها او احس انها مش قد كده
ولما يكون مثلاً لازم استنى وقت معين علشان انفذها
بحس ان الفكرة هتشق قلبي وعايزة تخرج
بحس اني انا نفسي عايزة اخرج برة جسمي
برة حدود الوقت والزمن والمكان
علشان انفذ الفكرة وارتاح
ولما تجي لي الفكرة بالليل ، ما بعرفش انام الا لما افكر كويس اوي في الفكرة
وممكن انام بقى .. بعد ما الفكرة تتظبط في دماغي وتبقى تمام
وانام واقنع نفسي اني لازم انام علشان اصحى
فبنام من باب استعجال الصبح :)
ممكن اوي لما اصحى من النوم احس قد ايه الفكرة سخيفة واني مش هنفذها
بس المهم في كل الحدوتة
اني خرجت من شرنقة اكتائبي وزهقي
فكسبت روحي من تاني
واحياناً بكسب روحي ، وفكرة جديدة
i cant find my idea yet
ردحذفوجدتها وجدتها
ردحذفلكل منا ضالته التى يسعى ورائها فغن كانت ضالتك فكرة تتحول برأسك الى حقيقة فنعم بها من ضاله وهناك مقوله احبها
There's nothing more powerful than an idea its time has come!!!
take care my princess
والله العظيم زيى بالظبط
ردحذفنفس الكلام بيحصل معايا خصوصوا لما افكر فى فكرة جديدة ابقى هموت
آه والله يا لاسعه , وعلى فكرة انا مؤمن جدا ان فكره صغيره ممكن تغير العالم , وفعلا الافكار بتغيرنا احنا كمان
ردحذف