لعلمك

لعلمك

إقرأ لي

دخلوا بكليك شمال :D

Blog Archive

الجمعة، ديسمبر 25، 2009

postheadericon ياسلاااااااام لو الدنيا تبقى كده







يا سلااااااااااااام لو الحياة تبقى كده


نجيب من الآخر ..


لما يبدأ المدرس في المدرسة يديك المحاضرة الطويلة العريضة بتاعة


انهم سموها وزارة التربية والتعليم


والتربية قبل التعليم علشان الأدب فضلوه ع العلم و ...... إلخ إلخ



تضغط نو وتخلص 



لما يجي الدكتور في الكلية يسمع سيرة حياته في كل محاضرة

وانجازاته العلمية في المهلبية فتضغط نوووووو وترتاح


لما يقعد جنبك في الميكروباص بني آدم لزج ورغاي



ويقعد يكلمك في مليوووون موضوع ما يهموكش في اي حاجة

وانت نفسك تغمض عينك وتقعد ساكت تروح مديله نووووو ع طول


واحد غتيت عايش في دور سيد العاطفي


ومصر يقنعك ترتبطي بيه و حاولتي مليووووون مرة تفهميه انه ما يدخلش دماغك ببصلة


ومااااااااافيش فايدة تديله بالــ نووو


يااااااااااااااااااه محتاجين بجد الأوبشن دا في الحياة


وياسلاااااااااام بقى لو ضافوا عليه اوبشن البلوك والإيجنور


ياااااااااااااااه .. احلى حاجة في الدنيا



بني آدم بيستفزك بكلامه ، بفشره ، بحواراته .. تعمل له بلوك ..


مهما يتنطط قدامك انت مش شايفه




يااااااااااه متعة بجد


امتى يجي اليوم اللي تبقى الحياة فيه كده






في سؤال بيطرح نفسه بقى دلوقتي  .. لو الحياة فيها اوبشن البلوك والإيجنور


هتستخدمهم مع مييييييييين ؟؟

7 بوينتس أوف فيو:

محمد أبوسنة يقول...

ههههههههههه
ياريت يا سارة والله
يااااااااااه
كان زمان الواحد يعمل نووو
كتيييييييييييير

بطوط حبوب يقول...

عارفه كمان ايه الاوبشن الناقص

انك تعمل نفسك hidden
ياااااااااااه متعه انك تمشى فى وسط الناس ومحدش يشوفك .

واضح ان الشات كل عقل شوباب وفتايات مصر المحروسه

:D :D :D

بوست جامد

فؤاد العبيدي يقول...

ههههههههه
فكرتيني بفلم كليك لادم ساندلر وعمل ايه بمديرو في مكتبو ....... بوست رائع ومرسي

أحمد فارس يقول...

أسف لكني أختلف معكي ...
لأن الدنيا ما تنفعش من غير الكويس والوحش مع بعض .. الدنيا بتتعاش بحلوها وبمرها بالناس الرزله والناس اللي نحبها هيا كده دنيتنا وربنا خلقنا فيها كده ودي حكمة ربنا ...
ياريت نبطل نفكر بالسلبية اللي بقينا عليها بسبب اعلانتنا دي.
ونتعلم أزاي بدينا نتعامل مع كل البشر الكويس منهم واللي مش طايقنه كمان

رامى ظاظا يقول...

اسلوبك ملفت للنظر ويستحق المتابعة وبمناسبة المقال ده أنا عامل حاجة كدة هتعجبك http://ramyzaza.blogspot.com/2009/12/blog-post.html
وبالتوفيق

خالد ناجى يقول...

هههههههههههههه

جامده

:)

princess haya يقول...

هههههههههه ماكنش حد تعب

المتابعون

اعتبرها بيتك ♥

وِش القفص

خليك ورايا

دليفري..