لعلمك

لعلمك

إقرأ لي

دخلوا بكليك شمال :D

Blog Archive

الاثنين، يناير 11، 2010

postheadericon محتاجة اترعب






محتاجة حاجة ترعبني ... 



حاجة تخضني ..


علشان تطلع من قلبي كل البكا


والصراخ اللي محتاجة اني اطلعه


علشان ارتاح


محتاجة مخاوف مادية علشان 


أنفس بيها عن مخاوفي المعنوية


بتلكك لنفسي علشان اعيط ع أي حاجة وأرتاح 


......


دي المرحلة الأخيرة من إكتئابي



بيجي بعدها على طول مرحلة الانفجار 


وأرتاح .................



وأبدأ اتملي تاني بالضغوط والخوف والقلق والإكتئاب


دي دورة حياتي النفسية

14 بوينتس أوف فيو:

reem يقول...

عارفة ...يمكن ساعات بيجيلى نفس الاحساس ...انى محتاجة حاجة تفجر كل اللى جوايا !!
بس ماكنتش عارفة ان الرعب ممكن يفجرها ...ومن الوارد انها مافجرتش جوايا حاجة غير كبت زايد للمشاعر!!
بس تفتكرى ايه ممكن يخضك ويرعبك اكتر من كمية الحزن والالم والضغط اللى جواكى ده يا قمر !!
فكرى فيها كده ...وهتلاقى نفسك اتخضيتى فعلا ..ومين عارف ..ممكن ده يفجر اللى جواكى كله
ويارب يخفف عنك وعنى وعن كل مكروب ومهموم يارب @};-
ريم وجيه

سمو الأميرة سارة يقول...

ريم عارفة انا عايزة حاجة تخضني علشان تشد الصويت من جوايا عارفة ازاي ؟؟ عارفة احساسك ف الملاهي وانتي بتصوتي ومرعوبة من اللعب الخطيرة
احساسك انك مرتاحة وانتي بتصوتي ؟؟
انا عايزة اعيش الاحساس دا اوووووووي

نورتيني يا حبيبتي

وتسلمي لي يارب

Syda ISSA يقول...

sa7 kteer el batlakek 3ashan abke, aw adawar 3ala sabab y5alene atala3 eli jowaja men 3'er ma7ad yesta3'reb babke leh.
bas howa eh eli momkin yer3eb ?? kol 7aja ba2et 3ade , el mot w damar w dam wel jo3 w 7obob w zolm ... 7ajat t3awedna nechofha w nesma3ha kteer, 7ata el herror movies maba2ach lihom naf ta2sser.
ezaher et7aramna 7atta lazet enena netala3 kabtena.
3ajabetne good work sara

سمو الأميرة سارة يقول...

@ Sydra ISSA

امممممممممممم مش عارفة ايه ممكن يرعبني والله يا جميل
بس انا حاسة ان هو دا بالظبط هو اللي محتاجاه :(
نورتيني جداً جداً

muhammd fattouh يقول...

احسن حاجه روحى الملاهى و صوطى احسن ما تعيطى
ما علينا محمد فتوح

فركشاوي ..ناوي يقول...

بيخ..

Abo 3li يقول...

بخ
اترعبتي؟؟
ياسارة يا(ملهمتي).. الانسان عدو ما يجهل.. واكتر حاجة ممكن تكون مبهمة للانسان هيا المستقبل.. علشان كده انا متأكد انك لو فكرتي شوية في المستقبل.. هتموتي من الرعب (بعد الشر طبعا)...
بس عارفة ايه الاحسن... انك متفكريش بالشكل ده.. فكري بالعكس.. ليه متهزميش الكبت والمشاعر الجواكي دي.. وتفجريها بنفسك.. مش تدوري علي حاجة تفجرك بيها.. يرب يكون المعني ورا كلامي وصلك...
وعلي كل حال ربنا يفك كربك وكربنا

Timo.. يقول...

لييييييييييه الموود المكتئب ده..؟
دي حتى الحياة حلو وبايخة..ولذيذة وسخيفة وكئيبة وما فيهاش اي حاجة حلوة :)

Timo.. يقول...

طب ها أقولك حاجة..بجد
لو عاوزة تكسري الحلقة دي..جربي تروحي مكان اول مرة تدخليه عشوائيا بدون تفكير ويكون في منطقة ما نزلتيهاش قبل كده وكمان تكوني مش عارفة ها ترجعي منها ازاي..
وفي نفس الوقت اعملي لنفسك قاعدة انك تروحي بدون استخدام تاكسي..
يعني تجربي تشوفي ايه طرق المواصلات اللي تودي ليها واهو ممكن تكتسبي خبرة جديدة..
ايييه اللي انا باقوله فوق ده..؟
مش عارف بس حبيت اقترح اي حاجة (';')

Timo.. يقول...

ولا اقولك...الغي الفكرة اللي فاتت..
بدل ما يبقى فيها مخاطرة..خليكي في اليوتيوب احسن...
دوري على مقاطع مرعبة ا حوادث حصلت بالفعل..
على فكرة في علم النفس حاجة اسمها التطهير...وهي ان الناس تحب تتجمع في امكن الحوادث عشان تعيش لحظات رعب..وفي نفس الوقت ضامنين انهم بخير وها يروحوا بيوتهم بعد شوية.

Timo.. يقول...

بس الاحسن من ده كله..
تسيبك من كللللللل الموود الوحش ده..وتحاولي تشوفي سارة بتحب ايه وتعمليه..(لو) مش عشانك.. يبقى عشانها..

دمت بكل الخير :)

رامى ظاظا يقول...

كلنا هذا الإنسان

روميوس كايزر

TKOsir يقول...

اسمحيلي بالمرور المتواضع في مدونتك :)
حينما يمتلئ الانسان
بالضغوط والخوف والقلق والاكتئاب
فانه يعيش حالة غريبة
ولكل منا اسلوبه
فهناك من يجلس وحيدا يتامل ما حدث له
ويحكي لذاته عما يدووور حوله من اشياء
وهناك من يذهب الى البحر يرمي فيه همومه ويشكو اليه
وهناك من يستمع الى الموسيقى الحزينة والتي تعتمد على الادوات الموسيقية الشاكية كالناي او العود الحزين
وهناك من يتقرب الى الله عز وجل شاكيا اليه وفي معظم الاحيان تكون هذه هي حالة مشتركة بيها وبين الباقي
وهناك من يذهب يتجول في الطرقات ويتامل الناس
واخيرا
من يزور اقاربه الذين توفاهم الله عز وجل
ويقرا على ارواحهم الفاتحة

اللهم ازح عنا همومنا برحمتك يا ارحم الراحمييين

لك مني تحياتي
تقبلي مروري المتواضع :)

قلم رصاص يقول...

لا بجد بقى لاااااااااازم وقفه
بنات حوا مالهن كلهن اليومين دول
كل مدونه نسويه ادخلها الاقي كده

انتوا يابنات حوا متدلعين اوي
كل واحده تشوف شغلها وهي متحسش بملل

ربيلك بطتين ع السطوح مثلا
هههههههههههههههههههههههه

ربنا يفك الحالة دي ويعديها على خير يارب

الحياه حلوة والله بس احنا نحاول نجدد

وزي ماعمنا المرحوم ابي القاسم الشابي قال :

كن جكيلا ترى الوجود جميلا

دمتي في حفظ الله سمو الأميره ساره

المتابعون

اعتبرها بيتك ♥

وِش القفص

خليك ورايا

دليفري..