لعلمك

لعلمك

إقرأ لي

دخلوا بكليك شمال :D

Blog Archive

الجمعة، يناير 15، 2010

postheadericon Reminder !!!






كلما رن هاتفى مذكرا اياى بموعد او بملاحظة مهمة او بتاريخ ميلاد صديقة لى ،

اشعر بالامتنان نحو هذا العبقرى الذى اخترع (( رسائل التذكير )) 

وتمنيت لو ان هناك واحدة تذكرنى بأسماء زميلاتى اللاتى اعتذر لهن صباح كل يوم

لأنى لا اتذكر الاسم بدقة 

- بعد ان افشل فى جعل الحوار يستمر بلا اسماء وبلا تفاصيل -

وتمنيت لو ان المطبخ مزود برسائل تذكير لتجنب كم المصائب التى ارتكبها بسبب النسيان ..


لكنى كل عدة أيام ، اثناء محاولتى المعتادة لعمل رسالة تذكير جديدة 

اصطدم بهذه العبارة " الذاكرة ممتلئة يجب حذف بعض الرسائل القديمة

تصدمنى هذه العبارة لسببين اولهما :

انى اشعر بالأسى على حال ذاكرتى كلما

رأيت اعتمادى الرهيب على رسائل التذكير فأنا احتاجها كى اتذكر

" ان اخبر صديقتى بشئ مهم " 

وكى " لا انسى محفظتى فى المنزل " 

وكي " اخذ البحث لأن اليوم الميعاد الاخير " .. الخ 

والسبب الثانى هو اشفاقى على عقلى ..

فهذا الجهاز الاصم الذى يحمل رسائل التذكير فقط بعناوينها ،

 لا يحمل تفاصيلها ولا هم كيفية تنفيذها تضيق ذاكرته بها

وتود ان تمحو القديم لتخفف العبء عنها .. 

بينما عقلى يحمل ذكريات منذ الطفولة ، 

ويحمل معلومات اكثر من عشر سنوات دراسة ، 

بالاضافة الى كل ما علق بذاكرتى من كلمات قرأتها وسمعتها ومشاهد وافلام و...... الخ .

المؤسف انى اكتشفت ان اغلب اصدقائى يعانون نفس المشكلة التى ترى
الامهات دائماً ان سببها

" الاكل اللى مليان هرمونات ، منهم لله ما خلوش فيكم صحة "
 

ويرى بعض اساتذنا فى الجامعة ان السبب هو اننا

" جيل محدث تكنولوجيا ، اعتمدتوا عليها لحد ما مخكم صدى "

بينما يرى الشباب ان السبب 

" هى الثانوية العامة ، حسبى الله ونعم الوكيل قبلها كنت كويس والله " 

بينما لم يدرك احدنا أن السبب الحقيقي هو الهم الذي يكاد يفتك بعقولنا .. 

الهم الذي أصبحنا - للأسف - نحمله منذ طفولتنا

فالطفل لم يعد كما مضي ، يلهو ويلعب ولا يحمل هم الغد ..

بل أصبح منذ يومه الأول يحمل هم الكلية التي سيلتحق بها 

والعمل الذي يمكنه من أن يكون ثرياً ..

والطفلة تحمل هم الزوج الذي سيبعد عنها شبح العنوسة ..

والمراهقين والشباب و... الخ الخ .. كلنا يحمل هموم تنوء بحملها الجبال ..

مهما رأى الآخرون انها هموم بسيطة أو تافهة فإنها تمثل لحاملها جبل وكارثة 

نحن في حاجة دائمة إلى رسالة تذكير تذكرنا بأن

" الحصوة الصغيرة التي قد لا نلتفت نحن لها تعتبر جبلاً بالنسبة للنملة"



9 بوينتس أوف فيو:

Abo 3li يقول...

شكلي كده اول تعليق
العقل البشري ده اعظم من اعظم جهاز تزكير.. لانه بيسجل كل الزكريات والاحداث بدقة عجيبة.. بس المشكلة اننا مبنقدرش نوصل للمكان المتسجلة فيه الذكريات دي بسهولة.. علشان كده بنتخيل اننا بننسي.. والحقيقة اننا بنستسهل.. ومبنحولش نشغل عقلنا... يمكن بسبب اننا دماغنا مشغولة بحاجات فعلا تهمنا اكتر... او مضيقانا اكتر..
الخلاصة انك لو لاقيتي حل للموضوع ده يبقي قوليلي عليه..
لحسن..
انا نسيت انا كنت جاي هنا ليه..
سلامي وتحياتي للاميرة سارة.. اقصد ل ملهمتي ;)

قبلاوى يقول...

جميل ..

اينشتاين مكنش حافظ رقم تليفونه على فكره ،، يعنى ده مؤشر كويس

جميله حتة النمله اللى فى الآخر دى

اقصوصه يقول...

انا بعد اعتمد على المحمول

بشكل كبير

فعلا ذاكرتنا صارت مريضه مرض مزمن

يستعصي علاجه للاسف :(

يمكن هاي ضريبة التطور في الحياه؟

أحمد فارس يقول...

ما أروع هذه التدوينة ...
سردك لاكثر من مشكلة كلنا يعتبر بيعاني منها في مجرد فكره واحده وهيا رسائل التذكير اللي برضوا تقريباً كله بيستعملها
المقال جميل جداً فعلا بدون مجاملة وكأنك كنتي في حالة وحي جامده
خلتك تكتبي بارتجال لكن دون تكلف.
وبصراحة كنت عايز اكتب جملة عجبتني لقتني باختار اكتر من جملة لان المقال كله على بعضه عاجبني.
وبالنسبه لذاكرة الموبايل مش مستحملة حدثي تليفونك وهو يشيل أكتر

سمو الأميرة سارة يقول...

ابو علي نووووووووورتني جداً
وفعلاً معاك حق اعظم من اي جهاز تذكير بس احنا ننشطه ونشيل من عليه الحاجات اللي مالهاش لازمة

وشكلنا كده هنستنى كتيييييييير ع ما نلاقي حل هههههههه

نورتني جداً يا ابو علي وشرف ليا اللقب دا جداً :)

سمو الأميرة سارة يقول...

قبلاوي ياااااااااااااامسهل
شكلي كده هبقى اينشتاين تاني لأني مابحفظش رقم تليفوني :D

منورني جداً ياقبلاوي

سمو الأميرة سارة يقول...

اقصوصة انا كنت زيك كده وبجد لما ضاع حسيت ان حياتي كلها راحت معاه :(
اكيد دي ضريبة التطور
منوراني يا قمر

سمو الأميرة سارة يقول...

احمد فارس ربنا يخليك يارب
ع فكرة دي تدوينة قديييييمة جداً وانا بقلب ف فولدري ع الجهاز لقيتها
فقولت بدل ما المدونة صحرا كده انزلها :)
سعيدة انها عجبتك
شكراً جداً ليك

spiderman ( المدونه الإسلاميه ) يقول...

اه و الله فعلا عندك حق
الواحد مبيقدرش يستغني خالص عن الموبايل ابدا و خاصه حكايه التذكير ده
ممتازه جدا جدا بصراحه
انا بستخدم خاصيه TO DO
ممتازه جدا و مرتبه
كل الى بعمله اني بشوفها كل اليوم الصبح قبل ما اخرج و اشوف الحاجات الى عايزها و عايز اعملها
ممكن تستخدميها و مش هيقولك الذاكره ممتلأه على فكره ^_^

المتابعون

اعتبرها بيتك ♥

وِش القفص

خليك ورايا

دليفري..