لعلمك

لعلمك

إقرأ لي

دخلوا بكليك شمال :D

Blog Archive

الخميس، مايو 20، 2010

postheadericon كان يوم تحفة بجد



بجد كان يوم خراااااااااااااافة احسن مما توقعت بكتير ، لولا بعض المنغصات اللي خليتني هعيط في اول اليوم

بس بجد الناس الحلوة اللي حضرت امتصتني وتفهمت الموقف 

ماكنتش متخيلة ان كل الناس دي تيجي علشاننا :)

ولا كنت متخيلة ان الكتاب هيعجب الناس بالدرجة دي 

وكنت مرعوبة جداً جداً لحد اللحظة اللي اتكلم فيها استاذ وليد كساب ومن بعده استاذة رباب

رباب لولا رأيها اللي شجعني كان زماني سحبت الكتاب تاني ورجعت في كلامي اصلاً :)

.........

انا دايماً مش بعرف اتكلم وانا فرحانة ، وكمان مافيش اي كلام في الدنيا يعبر عن شكري لكل اللي شرفوا الحفلة

بالذات د / ياسر قنصوة .. أستاذي الجميل اللي بجد قال في حقي كلام أروع مما استحق 
وفرحني وجوده اووووووووى 

ورباب اللي من كلامها انا بجد عيطت .. اختارت اكتر جزء في الكتاب من قلبي بجد وقالته 

واستاذ وليد كساب اللي ما كنتش احلم اساساً اني اقابله في يوم من الأيام ونور الحفلة :)

بجد بجد نفسي أشكر كل اللي حضروا واحد واحد
وواحدة واحدة
بس انا لسة ما نمتش من امبارح لحد دلوقتي
وكل خلية في جسمي بتقولي انا مش مركززززززززة 

بجد بحبكم اوووووووووووي

شكراً لكل اللي كلموني يباركولي والله كأنكم جيتوا ولو اني كان نفسي اشوفكم اوي

بس تتعوض ان شاء الله



16 بوينتس أوف فيو:

MR.PRESIDENT يقول...

ربنا يجعل ايامك كلها سعد قادر يا كريم ويرزقك من حلاله ..
ويوفقك .. وتعملي الكتاب رقم 100

حلم كل كاتب انه يصبح مشهور في كل الآفاق ..

تحياتي لك وعبال لما الكتاب يطبع الطبعة العشرين والواحد وعشرين

غير معرف يقول...

الف مبرووووووووووووووووووك يا احلى سارة :)
منه للاحسن ان شاء الله :)
منغصات ايه ! انتي كنتي جميلة وفستانك حلووو :) والحمدلله يوم عدا على خييييييييير ....

وانت تستاهلي كل خير .......:)

غير معرف يقول...

الف مبرووووووووووووووووووك يا احلى سارة :)
منه للاحسن ان شاء الله :)
منغصات ايه ! انتي كنتي جميلة وفستانك حلووو :) والحمدلله يوم عدا على خييييييييير ....

وانت تستاهلي كل خير .......:)

مصطفى عبدربــه يقول...

شفت الايفنت ع الفايس

باين ف الصور ان كان في حالة حلوة

مبروك يا سارة

ويارب ف نجاح دايما

freeman يقول...

انا معرفكيش شخصيا انا قريت الكلام من لينك عندى على الفيس لانى صديقك
بس فرحان جدا انى عرفتك بجد والله
عاجبانى اوى طريقه كتابتك والصور اللى بتحطيها ولاسعانك ومدونتك
ربنا يوفقك

أع ـقل مـ ج ـنـونــة يقول...

الف الف مبروك

بجد مبسوطة اوي يالاسعه

مع اني مش اعرفك معرفة شخصية

انا عملت ترويج للكتاب ف الجامعة بين اصحابي

بس للاسف لسة مش اشتريته :(

مستنية بعد الامتحانات عشان لو جبته دلوقتي هافضل اقراه ومش هذاكر :D

الف مبروك يارب ويارب دايما ف نجااااااح لنجاااااااح

كان نفسي اكون موجودة .. بس مرة تانية بئة :(

Nouran يقول...

مبرووووك
فرحتلك اوي والله
هو الكتاب هينزل فين في القاهره يعني اما اعوز اجيبو اجيبو منين؟

هي وظروفها يقول...

الف الف مليون مبروك يا ساره
وربنا يجعل كتابك بدايه لتوفيق اكبر ونجاح اجمل وتقدم مستمر

ايه الكلام الكبير ده

بلبلدي بقي

قشطه عليكي يا ساره ومن كل نبضه في شراييني بقولك الف مبروك
بس لما تتعمل حفله القاهره
هجيلك واباركلك بنفسي شوفتي التواضع

مهيج الجماهير يقول...

انا اللى اتشرفت بلقائك بجد يا سارة

انتى طيبة بجد ... و بتتعاملى مع الناس بقلبك ... عشان كدة بيحبوكى

و طالما انتى بتشكرى فى الناس ... أكيد هم كمان هيشكروا فيكى

ان شاء الله لما أقرا الكتاب هقولك رأيي

الف مبروك و عقبال ما نحضر فرحك بقى

ملحوظة : لو الفرح مافيهوش لحمة متعملوش حسابي ها

بنـوتــــة يقول...

ألف ميت مليون مبروك يا سمو أحلى أميرة لاسعة
و يا رب دايماً من نجاح لنجاح
و نفسي بجد تعملي حفلة تانية في القاهرة
عشان بجد نفسي أشوفك يا سارة
بجد واحشاني و مشتقالك من قبل ما أشوفك
بس بجد
أللللللللللف مليوووووووووووون مبروك يا .... سموك
;)

قلم رصاص يقول...

ألف ألف مبرووووووك ياساره على الكتاب
وربنا يزيدك وتعملي الكتاب التاني والتالت والميه كمان ان شاء الله

وربنا يجعل كل ايامك سعيده

بس عاوزين نعرف الكتاب نازل في اي مكتبات في المنصوره

تقبلي مروري وتحيتي

احاسيس آيوشه يقول...

الف الف مبروك ياسارة وربنا يسعدك ايامك كلها
ويوفقك ونشوف بدل الكتاب مليون
باذن الله اول ما نزل من البيت هشترى الكتاب بس الحر اللعين دا مخلينى مش بنزل من البيت :(
هو نزل اسيوط مش كدا ؟؟؟

عندما تكون ميمى وحاجات كتير مع بعضها كده يقول...

مبروووووك ياسارة ياجميلة عقبال توقييع الكتاب ال100 ان شاء الله ياجميل
انتى تستحقى كل حاجة حلوة فى الدنيا

سمع هوص (Abo 3li) يقول...

الف مبروووك ياسارة... وعقبال الكتاب الجاي ان شاء الله...
بس انتي مقولتيش انا اجيب الكتاب منين في القاهرة؟؟

samy يقول...

مبررروك

ghada mOhsen يقول...

ألف مبروووووك ياينوته ياعسوله وبجد مبسوووووطه إني حضرت وإتعرفت عليكي

ياااااارب من نجاح لنجاااااح

... ;) ,,, ;) ...

المتابعون

اعتبرها بيتك ♥

وِش القفص

خليك ورايا

دليفري..