لعلمك

لعلمك

إقرأ لي

دخلوا بكليك شمال :D

Blog Archive

السبت، يوليو 10، 2010

postheadericon هو انت ليه ما بتسألنيش مالك ؟

* هو انت ليه ما بتسألنيش مالك ؟؟

- عادي يعني ، اسألك ليه ؟؟

* يعني انت مش حاسس إن في أي حاجة مضايقاني ؟؟

- طب ما هو لو انتي فيكي حاجة مضايقاكي قولي على طول .. إنتِ غريبة أوي !!

* يعني أقولك على اللي مضايقني ازاي كده من الباب للطاق وانت حتى ماعندكش استعداد تسمعني ؟!

اقولك وانت بتتفرج على التليفزيون ومش حاسس بالدنيا  أصلاً ؟ ولا أقولك وانت عمال تتكلم تتكلم تتكلم ومش مستنى مني حتى رد ؟

ولا اتصل بيك أقولك على اللي مضايقك في الشغل ؟؟ ولا وانت نايم ؟؟ أقولك امتى ؟؟؟ 

وليه أصلاً أحتاج اقولك وانت المفروض تفهمني من غير ما اتكلم ؟؟ ليه أقولك وانت المفروض تحس بيا ؟؟

- طب على فكرة بقى انا حاسس من فترة انك متغيرة بس سايبك انتي تقولي 

* وليه تستنى لما أقول ؟؟ اعرف منين انك حاسس بيا وانت ما بتقولش ؟؟ ليه ما تسألنيش مالك ؟ ليه ما تحسسنيش إنك حاسس بيا وإنك مهتم بيا ؟ ليه متخيل ان دي حقيقة مفروغ منها ومش محتاجة تحسسني بيها كل فترة ؟!

اعتبرني يا أخي ذاكرتي ضعيفة .. حسسني إني أهمك .. إسألني مالك ، طبطب عليا ، إسمعني .. إديني فرصة أتكلم


- مشهد يتكرر كثيراً بين الأزواج -

8 بوينتس أوف فيو:

MR.PRESIDENT يقول...

ربنا يرحم المتزوجين خصوصا من مرض الخرس الزوجي .. دا عشان بيبقي اختيارهم لبعض علي أسس غير سليمة ودا اعتقادي .. زي اختيار الشكل عن العقل والغني عن الدين .. وهكذا مما يؤدي إلي خلل مثل المشهد المذكور ..
ربنا يهدي المتزوجين قادر يا كريم .

موناليزا يقول...

بتقولى لمين
لا حياة لمن تنادى:)

سبايدرمان يقول...

انا لسه متجوتش بصراحه ^___^
بس انا لازم ادافع عن الزوج بصراحه

هو انتوا ليه صحيح مش بتقولوا على طوول لما تتدايقوا ، ليه بتاخدوها بحساسيه قوي كده ^___^ صحيح ؟؟ ^___^

.........

انتي عارفه بعض الزوجات لما ازواجهم بيسألهم بيقولوا ليهم مفيش حاجه ، عايزه اقعد مع نفسي شويه

يعني ما اقصده
ان المفروض الزوجين بيبقوا فاهمين بعض
عارفين ايه الى الزوج محتاجه الزوجه المفروض تعمله و العكس صحيح برضه بالنسبه للزوج انه يعمل الى بيرح مراته

هو الموضوع كله تفاهم بين الزوجييين

Ramy يقول...

عدم الأحساس بمشاعر شريك حياتك

دة انا بسميه بُخل فى المشاعر

لو هو عنده نفس درجة الحب هيحس بيها

مش هيسبها تتحيال عليه او تشرحله ازاى يحسسها انه حاسس بيها

و رده رد رخم جدا يعنى بيموت روح المودة اللى فى المعاتبة

انا يمكن عملت بوست شبيه لده بس قصة منقولة من كتاب أرز باللبن لشخصين

http://paabe.blogspot.com/2010/07/b
log-post.html

و قلت رأيى


بوست هايل برغم انه نرفزنى (:

الشـــــوكه النــاعمه يقول...

بصى فى ناس ماعندهاش لغه المشاعر دى
ناس عملين
تزعلى يقولك يووو انتى حساسه زياده عن اللزوم
تدوسى على افصابك يقولك انتى غابيه
هو كده ها تعملى لو ايه
مع انه مايعرفش ان الاهتمام بيعمل ايه فى البنت
والله انا واحده من الناس بيأثرنى الاهتمام اوى
بس تقولى لمين
تحياتى

أخـت فـى الله يقول...

أحسن حل ينفع فى الحالات دى
اننا نديهم الوش الخشب عشان يحسوا بينا
نقلب عليهم يعنى بمعنى أصح
ولو محسوش بقى يبقوا...ولا بلاش

قطرة وفا يقول...

كثير ما تحصل هذه المواقف


دمت بود ..

غير معرف يقول...

مش عارف ليه وانا بقرأ الكلام دا إفتكر مشهد لمحمد رضا الله يرحمه كان بيقول " يرحم زمان ونسوان زمان فيين الواحدة لما كان جوزها يجيبلها جزمه جديده ما تنامش طول الليل من الفرحة "
هههههههههه الله يرحمهم صحيح

D007a

المتابعون

اعتبرها بيتك ♥

وِش القفص

خليك ورايا

دليفري..