لعلمك

لعلمك

إقرأ لي

دخلوا بكليك شمال :D

Blog Archive

الثلاثاء، أغسطس 03، 2010

postheadericon وِد مُصطَنَع



أكره من يكذب كثيراً لكنني أكره بشدة من يكذب دون أن يكون مضطراً لذلك .

وأحتقر من ينافق ولكنني أحتقر أكثر من ينافق شخصاً لا يملك له ضراً ولا نفعاً .



*****


يُصيبُني الغثيان كلما أمطرني أحدهم بكلمات إعجاب فارغة لا يفهم هو نفسه معناها ولم يعرفني أصلاً كي يعنيها .


أو كلما أغدقتني إحداهن بكلمات الود والحب وأني أقرب صديقة لقلبها وأني أفضل عندها من أختها وأنها تشتاق لرؤياي وللحديث معي و غيرها من الكلمات المحفوظة التي تقولها لكل من يعبر في حياتها .


ولا يدخل كلامهم قلبي أبداً ولا يُقنعني ، فأنا أعلم جيداً أنها لا تحبني ، وأعلم جيداً أنها تتمنى لي السوء وأعلم أنها تحاول ايذائي وأرى بعيني محاولاتها لإيذائي .


اسوأ ما في الموضوع أنهم يضطرونني لمجاملاتهم حتى لا أكون عديمة الذوق وعدوانية .


والمصيبة أنهم لبراعتهم في الآداء يجعلونني أكاد أكره نفسي لأني لا أبادلهم حباً بحب !!


******


ما يُحيرني فعلاً هو أني لا أفهم السبب ، لمَ تُكلف نفسك عناء القرب من انسان تكرهه ؟ أو على الأقل لا تحبه ؟؟


لمَ تُثقل قلبك ولسانك بعبارات الود المصطنع له وأنت غير مضطر لذلك ؟؟


لمَ لا توفر الوقت الذي تضيعه هباءاً في خداعه في جعل نفسك نداً قوياً له أو حتى في محاربته لكن في العلن ؟؟


ولمَ لا تنساه أصلاً مادام لم يمسسك بسوء ٍ وتركز في مبادلة من تحبهم فعلاً الود ؟؟


قد استطيع تفهم أسباب الرجال في ذلك ،


فقد يرغبون في استمالة أي فتاة ولا يهمهم من تكون ولا كيف تكون ..


لكن ما يحيرني حقاُ هو الفتيات الاتي يفعلن هذا !!!

لماذاااااا ؟!!

******


لم أقُل أبداً لأحد أني أحبه أو افتقده أو أني أتمنى رؤيته - من تلقاء نفسي و لم أكن أُعنيها بل وفي قلبي من الحب له أضعاف أضعاف ما أُعبر عنه .


ولم ولن أُصدق أبداً من يقول لي أنه يحبني وقلبه يحمل لي غير الحب .


أرجوك .. إذا قرأت هذا الكلام وكنت من النوع الثاني غادرني إلى الأبد أو على الأقل لا تُثقل عليّ وتجبرني على مجاملتك .


وإذا كنت من النوع الأول ، فعذراً لعجزي عن التعبير عن حبي بالطريقة التي تفهمها أو بالطريقة التي تستحقها .



******


لك وحدك :


لك وحدك أعتذر لأني لم أكن أبداً .. بالروعة التي تستحقها

11 بوينتس أوف فيو:

دعاء العطار يقول...

انا كمان ساساروره بتخحنق من الناس دى

يعنى هى تبقى لسه قايله كلام عنى جدير انه يخليها ماتبصش فى وشى تاانى

لكن للأسف بلاقيها بتبصلى وبمنتهى البجااحه وتقولى وحشششششتينى ليه مش بتسالى ؟

طب أنا اقول ايه ساعتها ولا أعمل ايه

بجد لا حول ولا قوة الا بالله

ربنا يشفيهم وينضف قلوبهم

اللهم انزع مافى قلوبنا من غل او حقد او حسد

blue-wave يقول...

بغض النظر عن اللى ليه لوحدة
الكلام هايل بصراحه

MR.PRESIDENT يقول...

اللهم اجمع المحبين بالزواج قادر يا كريم دا أولا .

ثانيا المشكلة إن الناس مفكرا إن الفهلوة واللعب بالبيضه والحجر دا المجدعة وإنك تسنج اللي قدامك تبقي كدا ميت فله وعشرة .
المشكلة حتي وانتا بتكتب جواب لمسئول حكومي ولا عمرك شفته لازم يكون فيه تسنيج برضوا عشان المصلحة تمشي ودا احقر من اللي قدامك وبيسنجك لأنك علي الأقل عاملته .
تبدأ الخطاب بحضرة المحترم والسيد الفاضل وهو ممكن راجل مله لا يصلح ببصلة وتنهية بتفضلوا فائق القبول والإحترام

تحياتي لكي . ولا اقولكم مفيش تحيات غير السلام عليكو :)

moustafa fawzy يقول...

فيه ناس تحسي إنها إتعودت علي كده , شخصيات كده بتحب التمثيل , ناقصهم سبوت يتسلط علهم وجماهير و أوسكار , بشوف منهم كتير قوي , وأغلبهم بنات بصراحه

Ramy يقول...

المصالح

مفيش غير المصالح

حتى اللى مش هتحتاجة انهاردة هتحتاجة بكرة

دة المنطق اللى بيبرروا بيه تصرفتهم

المشاعر لو مش طالعة زى ما انت حاسسها عمرها ما هتتصدق

بوست جميل

ربنا يوفقك دايما

و مبرووك على نزول الكتاب القاهرة

و عاوزين حفل توقيع كتاب هناك

انا عارف هيكون تعب عليكوا بس علشان نشوفكوا تانى

و نشوف على حسكوا الناس اللى بنعزهم فى القاهرة

ربنا معاكى

موناليزا يقول...

موضوع جامد جدا
وان شاء الله سأستعين برابطه لأنى سأنشر موضوع مشابه عندى قريبا بإذن الله

بالتوفيق دائما

احاسيس آيوشه يقول...

مفيش حد فى الدنيا يحب اللى ينافقه ولا اللى بيكدب عليه
ولا بيحب الناس اللى بتمثل الود المصطنع لانه بيكون باين جدا

Noha Saleh يقول...

الاقيهم حبايبى ويبتسموا فى وشى وهما مش بيحبوا يشوفونى ومسافة مااديهم ضهرى الاقيهم بيتكلموا عليا
لو يكونوا على طبيعيتهم احسن لهم من انى اضحك عليهم فى سرى وعلى تمثيلهم الخايب

7akwena يقول...

والله فكرتينى بأبو الليف اغنيه ثقه فى حد
بس هى دى الصفه الغالبه الايام دى النفاق والتملق ده بجانب الفساد اكيد
كل الحاجات دى من امراض النفوس
وده سببه الرئيسى البعد عن ربنا
واهو رمضان داخل وربنا يهدى الجميع
تحياتى ليكى

محمد التركى يقول...

بعد السلامو عليكم
ساره

لأول مره هتكلم عندك بجد وبدون هذار
لأن الموضوع المره ديه شائك حبتين
لأنه فى حياتنا كل يوم وكل ساعه وكل ثانيه وكل لحظه
فى الشغل
فى الشارع
فى المواصلات
فى البيت
بين الاصحاب
بين الجيران
كل حاجه فيها نفاق

بس أنتى عندك حق النفاق لناس مليش معاهم مصلحه معناه ايه
صعب وصعب قوى لما يكون بين أقرب الناس

أنا شخصيآ ممكن أكون بميل للمجامله
بس لناس أعرفهم
لكن النفاق صعب
الواحد مخليها على الله
حتى فى الشغل كل اللى حولينا بينفقو
أيشى المدير ولا السكرتيره بتاعت المدير كله فى مصالح
بس أنا مخليها على الله
الرزق بأيد الله

البوست جميل جدا تسلم ايدك
بس ياريت تخرجى من اللى انتى فيه بسرعه
علشان بقالك كام بوست مسوداها قوووى
كفايه كده
يابنتى الدنيا ماتستهلش
نفضلها علشان تسيبك فى حالك
طول ماانتى واخده بالك منها
هتقرفك وطلع عينك
صدقينى انا مجرب
بس لسه برضو قرفانى هههههه ياله بقى

تسلم ايدك وربنا يبعد عنك النفاق والمنافقين

تحياتى لسمو الاميره
بدون نفاق والله

محمد التركى

سـ Sara ـارة يقول...

بغض النظر عن تشابه الأسماء يا سمو الأميرة سارة :)

أنا عايزة أحييكي عالبوست دا ،

لأنك فعلا وصفتي الناس دي بجد..

الناس اللي بتبالغ في إظهار الحب، والكلام الحلو، والواحد بيقابل منهم كتير، لدرجة إني بقيت حاسة إن الطبيعي إن الإنسان لازم "يرزع اللي قدامه طقم حنية" بعدين يتكلم بقى عادي في أي موضوع بس بعد ما يكون سبته كويس :)

في موقف شفته قدام عيني في إحدى الهيئات اللي كنت بتدرب فيها:

- الموظف: مبروك يا أستاذ فلان للأهلاوية، الأهلاوية دول أحسن ناس.

- أ/فلان: ربنا يخليك يا حبيبي..

أول ما الأستاذ فلان إداهم ظهره، مش عايزةأقول كمية الكلام البذيء اللي اتقال عالأهلاوية وعليه هو شخصيا..!!

يعني بجد حاجة الواحد يشمئز منها!!

!!



دمتي بود :)

المتابعون

اعتبرها بيتك ♥

وِش القفص

خليك ورايا

دليفري..