لعلمك

لعلمك

إقرأ لي

دخلوا بكليك شمال :D

Blog Archive

الخميس، فبراير 10، 2011

postheadericon لهذه الأسباب يجب أن تتوقف الثورة فوراً

كلما تجولت في صفحات الفيس بوك والمدونات فوجئت بأحدهم أو إحداهن تعلن سبباً ضرورياً وهاماً وحيوياً لتوقف ثورة 25 يناير فوراً ، وأن نكتفي بهذا القدر من المكاسب - التي لا أعلم لماذا لا يراها أحد سواهم - وأن نتوقف نحن والشباب الثوار في التحرير عن التفكير في أنفسنا فقط بأنانيتنا المعهودة ، وأن نراعي ظروف الآخرين ، أسبابهم القوية أفحمتني وأخجلتني من جهلي ، لذا قمت بجمعها هنا كي أواجهكم جميعاً بها كإعتذار عن حماقاتي السابقة ، كما فكرت أيضاً - بعد أن أناروا لي عقلي - بالتفكير في أسباب أخرى بمثل قوتها إمعاناً في الإعتذار : 

1 - " كفاية بقى حرام عليكم أنا زهقت من القعدة في البيت "

2 - " كفاية بقى الأجازة خلصت وما خرجتش ولا مرة "

3 - " كفااااااااية بقى منكوا لله .. مش عارفة أشوف البوي فريند بتاعي :D " 

4 - " كفاية بقى انتوا بوظتوا التحرير خالص انا كنت بحب اتمشى هناك مش عارفة هتمشى فين بعد كده "

5 - " كفاية بقى انا زهقت كل ما ادخل الفيس بوك ألاقي الناس بتتكلم في السياسة وصور البروفايلات علم مصر حاجة خنيقة خالص " 

6 - " كفاية بقى لحسن يقطعوا النت تاني وتبقى مصيبة مش هعرف أشيت "

كفاية بقى .. أسباب تنقط :D  حرصاً على ضغطكم 

- قد أغفر لك  أن تكون ساذجاً وصدقت وعود مبارك وحكومته ونسيت المثل القائل " قالوا للحرامي احلف " ، وقد أحتمل أن تكون لك وجهة نظر أخرى وأن تفكر في " مصالح الناس " - التي لم يعطلها المتظاهرون بل عطلها مبارك وحكومته للضغط عليهم - قد أحتمل أي شيء وأغفر أي شيء إلا أن تكون وقحاً .

نعم انظر لصور الشهداء وقل لي أليس من الوقاحة أن تذهب دماء كل هؤلاء وحياتهم وأحلامهم هباءً لأنك " زهقت من القعدة في البيت " !!!
أليس من الوقاحة أن تضيع مجهود ملايين من الشباب في 17 يوم لأنك مللت صورة علم مصر على الفيس بوك ؟؟ 
أليس من الوقاحة أن تستسهل الوطنية ؟؟  

نعم فالوطنية على طريقة مبارك لن تكلفك شيئاً سوى أن تعيش دور الحكمة والعقل ، وتتهم كل هؤلاء الأبطال في ميدان التحرير بالخيانة لأنهم يعملون وفق " أجندة خارجية أو إخوانية " ، أو بالبله لأنهم " مخدوعين " أو بالتفاهة لمجرد أنهم من شباب الفيس بوك - الذي بالمناسبة أنت أيضاً واحد من رواده والكثير من الرؤساء والسياسيين في الغرب من رواده - وأن تقوم بنسخ إحدى العبارات المتكررة التي تظنون أنها قمة في الحكمة والبلاغة وتقوم بلصقها في كل مكان عند معارضي مبارك وعند اصدقائك .. وتنتفخ أوداجك بالوطنية وتذهب لتنام ملئ جفونك بعد أن أحبطت عدداً لا بأس به من الشباب ! 
أرجوك .. أنظر لصور الشهداء قبل أن تخرج علينا بسبب عبقري وقوي لإنهاء الثورة ..
أو .. أرجوك .. احتفظ بأسبابك لنفسك فهؤلاء المرابطين في التحرير لن تُفلح قوة في الأرض في إقناعهم بإنهاء ثورتهم بعد أن رأوا الموت حولهم وبينهم آلاف المرات . 

_______________________________________________


ملحوظة : بعض هذه الأسباب وردت فعلاً على لسان البعض ورأيتها بعيني . 

ملحوظة أخرى : لمن يرى أنه يجب أن تتوقف الثورة عند هذا الحد ، من فضلك ادخل هنا





لو لسة ما اقتنعتش بعد كل دا ولا حتى بدأت تفكر في تقبل وجهة نظرهم يبقى مافيش كلام هيجيب فايدة معاك :D

2 بوينتس أوف فيو:

ALLELIO-عليــــلـــيـــــــــــــــــو يقول...

العبد لله كان من الناس اللى بيتمنوا رجوع الناس من التحرير ودخولهم المنازل وخصوصا بعد اصلاحات مبارك التى ابتدات من ازالة الحاشية الظالمة

والاسباب مش زى اللى انتى ادرجتيها فى مقالك

انا خارج اللعبة اساسا وخارج مصر ولكن ماحركنى لهذة الرؤية هو الخوف على مصر

بمنتهى البساطة لو حسنى نزل وهو اريدى دلوقتى نزل لكن نزولة بالشكل اللى الشعب كان عاوزة كان هيعمل ازمة سياسية وفراغ دستورى لان النظام كلة بيقع

بالاضافة الى العشوائية وخلو الشوارع من الشرطة

بالاضافة سيادتك انى لما اسمع ان الاسر المصرية عايشة فى ذعر اعتقد ليا الحق انى اقلق على بابا وماما واخويا اللى عايشين بردة فى مصر

ليا الحق انى اقلق من العشوائية والفوضاوية اللى عاشت فيها مصر الفترة الماضية

ليا الحق اقلق على متحف مصر اللى حرك اليونسكو

ليا الحق انى اقلق لان الثورة دى اللى حركها شباب وبكل صراحة لم اعد اطمئن الى الشباب فى وقتنا الحالى وخصوصا ان اغلبهم من من لايمتلكون حتى شهادة عالية هذا معناة ان هذة الجموع تحركها غريزة الجوع فقط وليس الرغبة فى تطبيق دستور يعتمد على القران وليس الرغبة فى تغغير التعامل مع العدو الصهيونى

فالذى حركهم هو الجوع والجوع فقط

ليا حق انى اقلق لما اكون مسافر بلا عنوان وافتح تلفزيون اشوف ناس مصريين مسلمين بيحدفوا طوب ونار فى مسلمين مصريين تانين

ليا الحق ان اقلق لما اسمع عن قناصة طبعا مش تبع مبارك بيقتلوا فى الناس

ليا الحق انى اقلق لما اسمع ان الخمينى طلع بيقول هنعملها عالم اسلامى شيعى


ليا الحق انى اقلق لما الاقى الولايات المتحدة بتبارك الشعب وبتحاول ازاحة الرئيس


ليا الحق انى اقلق لما الاقى الناس بتنزل مصر تسحب ارصدتها وتحولها للدولار والبورصة بتنهار والاقتصاد بيسقط


ليا الحق انى اقلق لما الاقى مجموعة شباب اغلبهم لايفهم مامعنى دستور بيقولوا للسلطة العليا فى البلاد انزل انت ونظامك واحنا هنعين واحد بدالك




الان مبارك نزل ونفذ طلب الشباب ونزل بشكل محترم وسلم السلطة للجيش عشان ميحصلش فراغ دستورى


الان نظام حكم الجيش اتى والاحكام العرفية


الان مفيش هزار وحظر التجوال معناه حظر التجوال


اتمنى ان ميجيش فى المستقبل حد يقول ياريت كان مبارك بقى حاكم

لاننا قلناها على السادات وقلناها على عبد الناصر وقلناها على محمد على


احمد شفيق الرجل المحترم قالها من قبل لازم لما ينزل رئيس مصر يكون فى اتيكس فى النزول

وكل المحترمين قالوها


وبعد نزول مبارك كل المباركين لمبارك باركوا لنزولة



فى اعتقادى مصر لم تحرر لان مازال فيها السوس الذى ينخر عمادها

شكرا لكى

ALLELIO-عليــــلـــيـــــــــــــــــو يقول...

على فكرة كل المحترمين فى الدولة من رجال دين وعلم كان رايهم كدا بردة مكانش رايى لواحدى


وكل اللى بيحبوا مصر كان رايهم كدا بردة زويل معندوش جيرل فريند عاوز يقابلها وعان كدا تمنا ايقاف المهازل التى حدثت


الف مبروك للجزيرة والف مبروك لقطر والف مبروك لامريكا والف مبروك للشباب المصرى الذى ثار

اجنوا نتيجة اعمالكم التى قد تكون موفقة او قد تكون محرقة لمصر واهلها

المتابعون

اعتبرها بيتك ♥

وِش القفص

خليك ورايا

دليفري..