لعلمك

لعلمك

إقرأ لي

دخلوا بكليك شمال :D

Blog Archive

الجمعة، مارس 18، 2011

postheadericon هيييييييه ضحكت عليك وخليتك تصلي :P

استفزك العنوان ؟؟

لو استفزك كمل قراية البوست

لو ما استفزكش ، يبقى إنتَ منهم :P

من كام يوم جالي أولافين على الميل الكلام دا

" اجمد نكتة في العالم محشش شاف برج عالي قال : لا إله إلا الله ومشي شوية شاف كبارية قال : استغفر الله ................................. ومشي شوية شاف مجنون قدامه قال : الحمدلله وبعدين شاف مسجد قدامه قال : الله أكبر و مشى شوية شاف اتنين بيتخانقوا قال : لاحول ولا قوة الا بالله شفت ازاى خليتك تذكر الله و لي حسنات ولك حسنات و انت الى كنت فاكرها نكتة لوكنسلتها يبقا انت مش بتحب ربنا لو بعتها لاى حد عندك يبقا انت الحمد لله مسلم الايميلات اللى موجودة عندك "

دمي اتحرق :@

هو ذكر ربنا باللسان بس ؟ وهي  ايه الفايدة أصلاً لما أذكر ربنا وانا مخدوع أو وانا فاكر نفسي بقرأ نكتة ؟
ليه بنهين ديننا كده ؟
هو ربنا اللي هيستفيد لما نذكره ولا اللي بيذكر ربنا هو اللي بيستفيد  ؟
لو انت شايف ان ربنا هو اللي بيستفيد - وأعوذ بالله من إني افكر كده - يبقى ابعت الكلام دا للناس واتعامل مع ذكر الله بالطريقة دي
ذكر ربنا لو ماكانش بالقلب قبل اللسان يبقى نفاق
بكره جداً الرسايل اللي بنفس الفكرة دي ، وبتستفزني وبتزعلني
ديننا غالي وهم بيرخصوه بالأسلوب الرخيص دا
زي بردو لما تلاقي إيميل عنوانه اتفرج على أحدث فضائح الفنانة دينا وتدخل جوا تلاقي ذِكر ويقولك ها هاهاها ضحكت عليك وشوف انت دخلت علشان تعمل حاجة وحشة خليتك تعمل حاجة حلوة
لا والله ؟
هو راضي  عن إن الذكر أو القرآن أو أي كلام مُحترم يكون دا عنوانه ؟
حاجة مستفزة جداً وبكرهها جداً
وعلى فكرة أكتر من شيخ قالوا ان دا حرام



إذن : عزيزي الناصح اللي فاكر نفسك " ضحكت عليا " وخليتني " آخد ثواب بالعافية " .. مبروك عليك الذنوب اللي انت عمال تاخدها   ، أيوة مبروك وفرحانة فيك علشان انت ما بتفكرش لحظة في اللي بتعمله دا صح ولا غلط وبتنشر أي كلام يجيلك وخلاص







ديني غالي عليا .. أرجوك ما ترخصهوش

7 بوينتس أوف فيو:

و القادم....أجمل يقول...

و الله العظيم معاكي مليوووووون حق
حاجة تنرفز و تغيظ
استفزاااااااز
تسلمي يا سارة
كلامك صح جداااااااا

حَـبآيـۃْ.بـטּـدۉڷ يقول...

فِعلاً يَـآساره ..
واللي يقولك لـو بعتيها لعشره هيجيلك خبر حلو .. ولو مبعتيهاش هيجيلك خبر منيّل ..
والنّـآس بتشيـر وتِبعَت وِخلَآص !!

..
أنَـآ مِش للدَرجَه دِي نَـآسيه ربنـآ ..
أو تَـآيهه عنّه ..

ولمّـآ تِحبْ تِـذكّرنِي بِيه ..
مَيبقَـآشْ بالإسلُوب دَه .. :)!!

Days and Nights يقول...

الأخت الغالية والعزيزة / سار

ربنا بيحاسب الناس باللى فى قلوبها ... وسبحانه وتعالى هو اللى علام بالقلوب .

للأسف الناس اللى بتبعت الكلام ده فاهمين بعض الأحاديث غلط ... لكن ربنا سبحانة وتعالى قال " إنك لا تهدى من أحببت ولكن الله يهدى من يشاء "

هو فاكر إنه بيآخد ثواب ... وأنا بأضم صوتى لصوتك ... الدعوة إلى المولى عز وجل لازم تكون نابعة من رغبة أكيدة من الطرف الآخر للمعرفة .

دمتى بكل الود

تحياتى

أخوك / تامر

عادي يقول...

حلو قوي .. كالعاده ...عندك حق الاستفزاز بدعوي الثواب والخير وهيه مجرد ضغطه علي زرار ... وطبعا كل ده تحت مسمي تجاره رابحه ... سبحان الله وكان الموضوع بيع وشرا .... ياريت نفهم

عادي يقول...

حلو قوي ياسارد .. كالعاده المشكله ان البعض بيتعامل مع الموضوع من منطلق انه تجاره مع الله ... بيع وشرا وطبعا انت الكسبان ... ياريت نفهم ان العلاقه مع الله اسمي واجل

Muhammad يقول...

اولا انا مش لاسع .. انا مش اى حد .

ثانيا الراجل اللى قال كدا اكيد كانت نيته خير يعني .. فبصراحة انا حطيت نفسي مكانه و اشوف كلامك صراحة حسيت باحباط .. صحيح حوالى ثوانى بسيطة لكن احباط برضه .. الله اعلم بالراجل نفسه.. فياريت يكون فيه مساحة بين الهجوم والتجاهل :)

غير معرف يقول...

بجد الناس بقت مستفزة , مابتفكرش أبدا و كل اللى بيعملوا share و خلاص
ماعدش فيه وعى

اللهم إنى أسألك سبيل الرشاد

المتابعون

اعتبرها بيتك ♥

وِش القفص

خليك ورايا

دليفري..