لعلمك

لعلمك

إقرأ لي

دخلوا بكليك شمال :D

Blog Archive

الأحد، يناير 22، 2012

postheadericon كان صديقي ...



كنتُ أظنها قصيرة جدًا الحياة، أقصر من أن نترك فيها أثر!
أقصر من أن نشعر بها، من أن يكون لنا أحبة، أصدقاء، ذكريات
ولكنني فوجئت 20 يومًا، كافية جدًا لنصنع حياة .. لنترك أثرًا وأحبة..
لندخل بهجةً ما خفية في قلوب بعض الناس .. والكثير من الرسائل، وتترك أيضًا بعض الوجع!

******
صباح الخير يا جدو 
- صبااااااح الفل يا حبيبتي 

******
ضئيلة جدًا أوجاعنا.. وأصغرُ منها نفوسنا التي تضجر من الألم
وتضج بالشكوى، والحزن، والتأفف!
قليلٌ جدًا صبرنا.. وضحل 
أحيانًا أشعر أن أصحاب الأوجاع الحقيقية هم - فقط - من لا يتأوهون!

******
تعبان يا جدو؟ معلش
- الصبر حلو يا حبيبتي .. الصبر حلو وربنا رحيم 

******
في الثالثة فجرًا، ثرثرنا سويًا.. تعرفت عليه للمرة الأولى
اكتشفت انه يحب الشتاء، ويعشق المطر .. وابنته
فخورٌ جدًا بها، بنجاحاتها .. الصغيرة والكبيرة
يحب الحديث عنها رغم ما يسببه الكلام له من ألم
فقط حين يحكي عنها .. تلمع عينيه، يحكي عنها وكأنها انتصاره الكبير على الدنيا

********
راقبته على مدى 20 يومًا، دُهشت من كل هذه التشابهات بيننا 
الشتاء، المطر، السكر، الكُشري بالليمون، التفاؤل، حب الحياة....
وفقط.. يوم وفاته اكتشفت أننا مواليد الشهر ذاته، بل ونفس الأسبوع

*******
معلش يا جدو النور قطع
- كفاية نورك عليا يا حبيبتي 

********

قرأتُ منذ سنوات عبارة لـ غادة السمان، تقول فيها
" جميل أنت ومذهل وآسر كـ عبارة صباح الخير لحظة الاحتضار!"
ولم أدرك معناها سوى الآن!
اكتشفت أنه كان يحتضر، وحين دخلت غرفته استقبلني كعادته بـ صباح الخير
كان التنفس يؤلمه، بل يكاد يكون يصارع من أجل أن يتنفس، وعلى الرغم من ذلك لم ينطق سوى بحلو الكلام
رغم ضيقه، وألمه، لا يفتتح يومًا إلا بـ صباح الخير، وابتسامة مُشرقة تجعلك تخجل من عبوسك

*******

أرجوك يا رحمان أن ترحمه بـ قدر ما أحببته وأكثر،
وأن تؤنس وَحشته بـ قدر ما كان يحب الناس وأكثر،


12 بوينتس أوف فيو:

غير معرف يقول...

ربنا يغفر له ويرحمه يـــــارب
البقاء لله حبيبتي

فانداليسيا يقول...

حرام عليكو .. أنا هلاقيها منك ولا من أختك :(

ربنا يرحمه ويقبله من الصالحين عنده ..
متخيلة احساسك أوى يا سارة مع انى كنت بدوس عليه لما اشوف حد قريب منى يموت .. بس سبحان الله لما حد يموت ادامك بتحسى ان روحه بتصاحبك اوى وبتقولك هتوحشينى حتى لو متعرفيهوش او لو عرفتيه من كام يوم


ربنا يصبركو و يغفرله وينور قبره :)

мαησηα يقول...

وجعتينى تانى يا سارة

ربنا يرحمه ويغفرله ويأنس

وحشته ف القبر

كيــــــــــــارا يقول...

نفس اللي حصلي مع جدو

ربنا يرحمهم ويثبته عند السؤال

Baskouta يقول...

الله يرحمه ويغفرله ويسكنه جناته ويؤنس وحشته ووحدته ويجعل قبره نورا
ربنا يصبركم حبيبتي

بنـوتــــة يقول...

فكرتيني بأكتر لحظة بتوجعني عدت عليا
ربنا يرحمه يا سارة و يرحم كل أمواتنا
ربنا ألطف و أرحم و أحن على عباده من أمهاتهم

ندى عمرو يقول...

البقاء لله يا سارة
اللهم ارحمه و اغفرله و اسكنه فسيح جناتك

safa7_karmooz يقول...

أى أى أى

عرفته اكتر عن قرب فى سنتين ...وكان بينسانى فيهم كتير ويفتكرنى اكتر

ربنا يرحمهم ويغفر لهم ذنوبهم ويرزقنا صحبتهم فى الجنة

Sarah .. يقول...

البقاء لله يا سارة و منونة

ربنا يجمعكوا بيه فى الجنة بإذن الله

Zawag alnaddy زواج النادى يقول...

السلام عليكم ورحمة الله وبركاته جزاكم الله خيرا على هذا الموضوع الجميل ** بجد موضوع جميل ومشوق... بارك الله فيكم يا شباب

مامة مازن يقول...

البقاء لله يا سارة
ربنا يدخله فسيح جناته يارب ويلحقنا بيه على الايمان
ربنا يجعل قبره روضة من رياض الجنة.

(أرجوك يا رحمان أن ترحمه بـ قدر ما أحببته وأكثر،وأن تؤنس وَحشته بـ قدر ما كان يحب الناس وأكثر)

اللهم آمين يارب العالمين

انا حزينة جدا جدا علشانك وكمان لانك فكرتينى بكل حبايبى اللى رحلوا عن دنيانا وخاصة:
حماياالغالى الله يرحمه و جدى ابراهيم حبيبى قلبى
صحيح خسرت كتير ناس بس دول بالذات حسيت الدنيا كلها خسرتهم بمعنى الانسانية خسرتهم فعلا

ربنا يرحمهم يارب جميعا ويجعلهم من اهل الجنة

* بنوتة شعنووونــة * يقول...

ربنا يرحمه و يغفر له و يعفو عنه ويسكنه فسيح جناته مع حبيبه و نبيه وخاتم الأنبياء والمرسلين سيدنا ونبينا محمد صلوات الله وسلامه عليه و ألحقه بالصحابة و الشهداء و الصالحين والصديقين
و صبركم جميعا ع فراقه
" إنا لله و إنا إليه راجعون "
البقاء والدوام لله يا قمـرى .

المتابعون

اعتبرها بيتك ♥

وِش القفص

خليك ورايا

دليفري..