لعلمك

لعلمك

إقرأ لي

دخلوا بكليك شمال :D

Blog Archive

الأربعاء، يناير 23، 2013

postheadericon لحظة (!)




تلك اللحظة العبقرية التي تختلف الحياة بعدها تمامًا عن كل ما قبلها، عن كل ما حلمنا به.. أو تخيلناه.. أو توقعناه
تلك اللحظة التي نكتشف فيها كم نشبهـ (ـهم) !
أحيانًا نكون على علم كامل بهذا "الانقلاب" الذي ستسببه تلك اللحظة في حياتنا.
وكثيرًا ما نجهل ذلك.. 
أحيانًا نختار أن نخوضها، وكثيرًا ما نجبن عن مثل هذه اللحظة، فتستمر الحياة إلى أن تجبرنا على أن نخوض "لحظة" شبيهة، ولكنها غالبًا أسوأ..
وأحيانًا أفضل.
تلك اللحظة التي من المستحيل أن نتذكرها دون أن نقول "لو"
أو "حين كنا" 
لأننا غالبًا بعدها، لا نكون "نحن"

****


هل أنا كنت طفلاً
أم أن الذي كان طفلاً سواي!!
****

تلك اللحظة.. العمر
تلك اللحظة .. الحياة
... وأحيانًا الموت!
***

أحيانًا يبدو لي أنه من الصعب أن أنتقم بعد 20 عامًا من شخص ما 
لم يكن هو أبدًا كيف أحاسبه على ذنب لم يرتكبه هذا الذي عيناه تقطران ضعفًا أمامي!

... وربما لهذا السبب تحديدًا .. لم أغفر له حتى الآن
لأنه مازال "هو"
لا أعرف.. هل هذا لسوء حظه أم حظي !



الأحد، يناير 20، 2013

postheadericon سَـــــــــــــــوَّاد

* التنويه المعتاد لكل من هو على شفا اكتئاب.. ما تقرأش البوست، لو قرأته ذنبك على جنبك
تحذير للي فرحان، واللي متفائل واللي عنده امل في بكرة.. ما تقرأش.. ولو قرأت ما تصدقنيش 

______________________

بمناسبة السواد، الأبديت الجديد (اللي بقى قديم ومخلل دلوقتي) لموقع بلوجر، سبب أساسي في عزوفي عن الكتابة هنا 
:(
مش حاسة بحميمية ناحيته.. حاسة انه بقى شبه كل حاجة في حياتنا دلوقتي 
مُفرِط في الأناقة.. مُفرِط في البرودة

أنا مفتقدة الدفا :(

_________________

أنا ضايعة مِنيّ البوصلة 
تايهة في كل حاجة من كل ناحية.. وخاصة من ناحية البني آدمين
أنا مقفولة من كل البشر تقريبًا
فجأة كده كل شوية أحس ان كل البني آدمين اوفر.. وانا نفسي أوفر أصلاً

__________


أنا بقيت أخاف اطول الحاجات اللي بحلم بيها، لحسن اكتشف إنها مالهاش معنى

وإن المعنى الوحيد لكل دا.. إني ما بقدرش أدوق طعم الدنيا

_______


زمان كنت لما الاقي الناس شايفة فيا حاجة حلوة، أنا مش شايفاها.. كنت بستمد من دا ثقة في نفسي

دلوقتي لما الاقي الناس شايفة فيا حاجة حلوة، أنا مش شايفاها، بيصعبوا عليا !
____

المشكلة.. إني فعلاً مش عارفة فين المشكلة

أو بمعنى أدق.. مش عارفة.. أنا اللي تاعبني أنهي مشكلة؟؟؟؟؟؟


postheadericon زي النهاردة...

زي النهاردة، من سنة
اختفى من حياتي.. الساحر اللي في أيام قليلة شقلب كيان حياتي وغير شكلها وعمل حاجات كنت فاكراها مستحيلة
.. 
زي النهاردة عرفت معنى "الوجع النبيل" اللي أكبر من إننا نصرخ، او نتأوه، أو نتكلم حتى عنه
...
اكتشفت إني شبهه.. واكتشفت حاجات غريبة في نفسي ماكنتش عارفاها
...
اكتشفت إن فقداننا للي نمنحه الحنان أوجّع من فقداننا للي يدينا الحنان :(

ربنا يرحمه
وينور قبره

المتابعون

اعتبرها بيتك ♥

وِش القفص

خليك ورايا

دليفري..