2017-07-17

..شي بيت

كنت بفكر إيه الحاجة الوحيدة اللي ممكن تخليني أتراجع عن حلم السفر والخروج من مصر، لقيت إن الحاجة اللي ممكن تخليني ألغي الفكرة هي إن يكون عندي بيت بتاعي، بتاع سارة...

طول عمري عندي الحلم دا، إني يكون عندي بيتي / شقتي الخاصة بيا وتكون على البلاط وأفرشها من أول حاجة لآخر حاجة.. 
بقالي كام يوم كده عمالة أجمع في صور للشقة المزعومة وأفكر نفسي تبقى شبه إيه؟ البوست دا هعمله عشان خايفة على ما أقدرأحقق حلمي وأجيب شقتي أكون نسيت أصلاً ملامح البيت اللي في خيالي ونسيت أنا كان نفسي في إيه..
اه افتكرت حاجة كمان..
بحس إن الإنسان مننا ضروري يقعد كفاية في البيت، وضروري يكون عنده بيت بيحبه.. أنا بحس إني قطة، لازم تدخل جوا صندوق كرتون عشان وهي برة الكرتون المقفول دا هرمون التوتر طول الوقت موجود وهي بتحتاج تشحن روقان واطمئنان وراحة بال جوا الصندوق..
البيوت لازم تبقى صناديقنا الكرتون وإلا تبقى غربة جوا غربة! 









هناك 4 تعليقات:

  1. ربنا يحقق لك حلمك ويبقى عندك شقة جميلة وتعزمينا فيها على قهوة :)
    سلامنا الكبير للبرنسيس منى :)

    ردحذف
  2. ياحبيبتي ربنا يرزقك بأحلى بيت ف الدنيا كلها
    اللهم أمين :-)

    ردحذف
  3. ومين سمعك، لكن عالأقل أنتي بنت حتى لو مكنش عندك شقه فمصيرك هتتجوزى وتخلفي ويبقالك حياه، أنما الشباب اللي زي حالاتنا لو معندوش شقه معناها أن عمره ما هيتجوز ولا يبقاله حياه.

    ردحذف
  4. تقريبا كل بنت لما بتفقد الأمل انها تلائي قلب يكون بيتها وامانها بتحلم نفس الحلم..لما بتكتشف ان ضل الحيطة أأمن بكتييير من ضل راجل...أنا رأيى اوعى تتخلى عن حلم السفر...الغربة دلوقتى هى الوطن يا سارة

    ردحذف

Say something...