لعلمك

لعلمك

إقرأ لي

دخلوا بكليك شمال :D

Blog Archive

الخميس، فبراير 28، 2008

postheadericon يوميات مستمعة مفروسة .. ( 1 )

بيقولوا المصائب لا تأتى فرادى ..
كنت فاكرة ان المثل دا افترا وتشاؤم على الفاضى ..
بس مؤخراَ اقتنعت وصدقت وآمنت بالحكمة او المثل دا ..
فى فترة الطوارئ و ذل الامتحانات ..
والحبس الانفرادى والنظام دا
كانت وسيلة الترفيه - او اللى يقال انها ترفيه يعنى - اليتيمة ليا هى الراديو
طبعا علشان حاجة عاملة زى البغبغان جنبك مش لازم لا تبحلق فى شاشة ولا تكتب على كيبورد ..
المصيبة بقى انى جبت اجل كل راديوهات البيت واتفضل رادو عقيم مش بيجيب غير اذاعاتنا المصرية المحلية الارضية الايه اميه
باختصار ولأنى بستحرم يكون القرآن شغال وما اسمعهوش بتركيز مش بينفع اشغل غير الشرق الاوسط والشباب والرياضة ...
بصراحة انا اتصدمت لما سمعتهم بعد انقطاع 6 سنين تقريبا ً ..
من 6 سنين كانوا بجد اذاعات متميزة وكانت فعلا مخليانى استغنى عن التليفزيون ..
للاسف الاذاعة مستواها بقى تحت الصفر .. جمعت كام نقطة كده مستفزين بجد ..
= لفت نظرى اوووووى التقليد الاعمى الفظيييييع او محاولة التقليد الفاشلة لنجوم اف ام
نجوم اف ام بجد تجربة اذاعية ناجحة جدا
شابة جدا مختلفة جدا ودا كان سبب نجاحها
لكن مش عارفة ايه اللى دخل فى دماغ اخواننا فى الاذاعات التانية ان السر فى نجاحها هو كلمتى ( نجوم ) و ( اف ام ) ..
فتلاقى بالذات الشرق الاوسط كل اعلاناتها بتتكلم عن النجوم والاف ام
ورغم ان موجتها الاشهر على ال ( AM ) الا انها بتصر اصرار رهيب فى كل اعلانتها على انها 89.5 اف ام وان النجوم على موجتها وبس
بطريقة اقرب للردح منها للاعلان (( وعفوا فى اللفظ )) ...
  • فى مشكلة تانية بتعانى منها الاذاعة دلوقتى ،وهى ان المذيعات بيعانوا من خفة ظل لا حدود ليها ، بتوصل لدرجة الاستظراف احيانا
- اعتقد انهم لو امتنعوا عن الماية الساقعة هتكون النتيجة احسن كتيييييييير -
  • مشكلة كماااان .. قلة الذوق الفظيعة اللى المذيعين بيتعاملوا بيها مع الضيوف ومع الرسايل او الاتصالات بتاعة المستمعين
والمصيبة انه فى الغالب بيكون المذيعين هما اللى مش فاهمين ، نتيجة جهل فظيع باخر الاحداث والمعلومات وحتى الاغانى والمغنيين
  • كمان مشكلة .. اسامى البرامج مالهاش اى علاقة بمضمونها وبهى بتتكلم فى ايه
مثلا : برنامج سهرة عائلية : - اللى يتفهم من الاسم انه برنامج بيتناول اسرة او عائلة لشخص مشهور او لأ
المشكلة الكبيرة انهم عمرهم ما استضافوا اسرة ، ولا عمرهم اتكلموا فى اى حاجة عائلية
بلاااااااااااش دا برنامج اسمه ( حبيبتى يجب ان تكون .. )) + مقدمة رومانسية جامدة تحسسك ان نزار قبانى هيطلع يتكلم
تلاقى البرنامج فى حلقة بيتكلم عن انفلونزا الطيور ومرة عن امراض مش عارفة ايه ومرة عن مجلس الشعب ... بجد حاجة تنقط ..
وللحديث بقية

7 بوينتس أوف فيو:

أحمد منتصر يقول...

ههههههههه أنا قريت السلسلة كلها يا سارة حلوة أوي

نقد ف الجون

بيدل على إهمال بشع

تحياتي لقلمك اللاسع :)

سارورة يقول...

ميرسى يا احمد ربنا يخليك يارب .. انا والله كان نفسى اكملها بس قلت كفاية حرقة دم على الناس لحد كده ههههههههههه

نورتنى يا احمد

غير معرف يقول...

جااااامد النقد ده يا سوسو
ايوه كده خدى بطارنا من اللى الاذاعات دى بتعمله فينا
وياريت يحاولوا يعدلوا من نفسهم ويفتكروا دايما ان علشان يبقوا مميزين
لازم يبقوا مختلفين .
تسلم ايدك يا قمر
مش هاقول انا مين حذرى فزرى
ههههههههه.......لما اشوفك في الكلية هاقولك

سارورة يقول...

فى غيرك يا احلى ملاك .. دودو طبعا حبيبة قلبى انتى الوحيدة اللى بتشاركنى مآساتى وبتسمع راديو زىىىىىى

صح يا دودو شوفتى انا اروبة ازاى والله بحس بكلامك ههههههه نورتيى مدونتى والدنيا بحالها ياقمر

Yuri Eisenheim يقول...

جايز اكون قريتها متاخر بس بجد جامده ونقد جامد يا بنوته
نقد بناء فعلا يعنى بدون كلمات خارجه او خروج على النص
بس وانا بحييكى على نقدك وعلى مدونتك كلها

sameh malek يقول...

كويس عشان اعمل حسابي في حبتين ضغط لو اضطريت اسمع الراديو

sameh malek يقول...

جميلة حلو الاسلوب

المتابعون

اعتبرها بيتك ♥

وِش القفص

خليك ورايا

دليفري..