لعلمك

لعلمك

إقرأ لي

دخلوا بكليك شمال :D

Blog Archive

الاثنين، مارس 22، 2010

postheadericon إحساس بالعجز :(




صعب أوي لما تقدر ترفع معنويات ناس كتير وتأثر في حياتهم 

وتقنعهم ما يستسلموش لليأس وما تقدرش تعمل كل دا 

مع الانسان الوحيد اللي يهمك بجد إنه ما يستسلمش :(



صعب أوي لما يكون وجودك في حياة ناس كتير بيفرق معاهم أو وممكن يكون غير مجرى حياتهم

وتحس إن وجودك زي عدمه في حياة البني آدم الوحيد اللي بتتمنى تكون موجود في حياته :(

احساس يارب ربنا ما يكتبه على حد لأنه بجد .. بيوجع اوي

38 بوينتس أوف فيو:

The Confused يقول...

فعلا يا رب ما يكتبه على حد ابدا

احساس مؤلم جدا لدرجة السكر .. :)

محمد الوكيل يقول...

عدم قدرتك على رفع معنويات الإنسان ده مش معناه أبداً إنك مش موجودة في حياته، مجرد وجود روابط وذكريات مشتركة بينك وبين الإنسان ده -مهما كانت بسيطة أو صغيرة- معناه وجودك في حياته.. لكن وجود عن وجود يفرق أكيد ^^

عشان كده Don`t Give up!
لا تستسلمي بالسرعة دي واثبتي نفسك أكثر لحد ما تنجحي في كده، وربنا يوفقك إن شاء الله ^^

محمد الوكيل

الباحث عن الصفر يقول...

دا اكيد لانك لما تيجى تساعدى الناس بتنطلقى بكل قوة وطاقة واملك انك تكون النتيجة خير وان ما كانتش خير فدا قضاء الله لكن لما يجى الموضوع ده عند حد معين انتى بتنطلقى بحدود وبتساعدى بردك بحدود لأنك انتى مش مستنية الا النتيجة الخير وبالتالى أهم صفه لتصرفاتك ومساعداتك هو الخوف والحذر وعشان كده بتحسى بالعجز وانك مش قادره تساعدية زى الناس التانيه

فهمتى حاجه اصل انا مش فاهم

انسان عادي يقول...

زي ما قال الوكيل ما تستسلميش
وخليكي معاه وادعي له
وان شاء الله خير
وربنا معاه ومعاكي

محمد التركى يقول...

سمو الأميره العزيزة/ ساره
بجد كلامك مؤثر بس أنهزامى قوى
فيه نبره غريبه بقالى زماااااااااااان
مسمعتهاش من بنت
بسى أنا هقولك رأى أنا
يمكن ميكنش ليه قيمه عندك
بس صدقينى عن تجربه سنين عشتها
من أيام الجامعه والتنقل من شغل لشغل
وحياه كبيره معى أنى سنى مش كبير قوى
بس الدنيا موقفها مش بتفرق بين حد

المهم أوعى تستسلمى ليأس موهوم
وأوعى تلبسى نفسك تاج العزاب بأيدك
أوعى أنتى لسه صغيره على العزاب اللى بتحمليه لأعصابك
اللى ميحسش بمشاعرك وميكنش حاسس بيكى يبقى بسهوله ميستهلكيش
اللى ميكنش عنده ملكه أنه يحس بأنسان بيحبه وبيكن ليه مشاعر جميله زى مشاعرك يبقى هو مش قد تحمل المشاعر ديه
ربنا خلقنا كده طبقات وقدرات
هو معندوش قدرات أنه يحس بقلب بيحس بيه
يبقى أزاى هيقدر يحبه ويخاف عليه
لا تلومنا نفسك فى حب قلب ليس به نبض لكى يحب

يمكن كلامى يكون غلط بس أنا عشته وحسيت بيه
والحب من طرف واحد مصيده لوحش أسمه اليأس من الحياه
أعزرينى على كلامى
وتقبلى مرورى
ليس الأول ولا الأخير بأذن الله
وأتمنى يكون هناك تواصل مابينا

ودى وتقديرى لمشاعر الطفله الجميله

وضّاح يقول...

الصبر واللين وحسن المعاملة هم الدواء

мαησηα يقول...

والله يا سارورة ما عارفة اقولك ايه ؟

بس بجد انتى عملتى اللى عليكى وزيادة

وكنتى صبورةاوى

والمشكلة مش فيكى المشكلة ف اللى

عايز يعيش الفشل

ف اللى عايز يفضل كده يصعب على

الناس وفرحان بشحاتة المشاعر منهم

ف اللى بجد عاجبه انه يجرب العيشة دى

ببعده عن ربنا وعن انه يكون انسان

كويس

يعنى من الاخر لو مكانك انفض

ولا اتعب نفسى ولا احس بمرارة اذا كان

هو مش فارق معاه

والست ام الليف بتقولك ..

اللى يشيل قربة مخرومة بتخر على

دماغه

سلام

star in the sky يقول...

اووووووووى

A32L MaGNoNa يقول...

فعلا .. احساس مؤلم جدا جدا جدا

sa3ed يقول...

لو انت يهمك الحد ده اوعي تيأسي منه خليك جنبه لحد ميسمع واتأكدي انه فيوم هيفوق وساعتها عمره مهينسالك ده

انا عارف اد ايه الاحساس ده صعب

سمع هوص (Abo 3li) يقول...

انا متفق مع مني.. البيشيل قربة مخرومة بتخر عليه..

وانك تبقي تفرقي مع ناس او اثرتي في ناس.. دي حاجة تشجعك.. وفعلا تأكدلك ان العيب مش فيكي

سمع هوص (Abo 3li) يقول...

انا متفق مع مني.. البيشيل قربة مخرومة بتخر عليه..

وانك تبقي تفرقي مع ناس او اثرتي في ناس.. دي حاجة تشجعك.. وفعلا تأكدلك ان العيب مش فيكي

عندما تكون ميمى وحاجات كتير مع بعضها كده يقول...

يااااه ياساره احساس بيوجع اوى بجد

بس صدقنى هو لو البنى ادم ده محسش انك موجوده وبتحاولى تعمل كل الى تقدرى عليه علشان تبقى موجوده يبقى ميستاهلش

ريم يقول...

مش ساعات الأمهات بيحسوا بكده ؟ :)
لما الأبناء مايقدروش نعمة وجودهم و يستهونوا بهم و مايبرهومش و مايدهومش الحنان و الاهتمام و الحب ..
الفكرة دي بتوجعني قوي.. إن أمي عايشة حياتها عشاني و أنا عايشة حياتي عشان حاجات تانية ..
كتير قوي مش بنحس بقيمة وجود الأم في حياتنا :)
ربنا يخليها لكل اللي اكرمه بيها..
أما بقى يا ستي بخصوص البوست فأنا ، عن تجربة حضرتك مش اي كلام يعني ، اقدر اقول لك انه ببساطة شديدة مايستاهلش :) أيوووون ! بغض النظر بقى، بس البني ادم اللي مش حاسس بحب اللي حواليه له و مش حاسس بنعمة الناس معاه اللي ربنا اداهم له يبقى غلطان و غافل قوي .. بس بردو ده مش معناه اننا نبطل نحب و نساعد .. بس مش دايما بنلاقي اللي حوالينا زينا :)
و يسعد صباحك يا جميلة

إنـســـانـة يقول...

سارة .. ممكن التأثير مايبقاش فوري وسريع ويبان بسرعة .. ممكن يحصل مع الوقت

أو حتى مع تجاهل المشكلة ومتابعة الحياة من تاني

إدي اللى قدامك فرصة انه يعيش اللحظة المؤلمة .. الألم فى حد ذاته بيعالج

حاولي تاني وبراحة وماتستعجليش

وطبعا استعيني بالله وادعي جامد لان ربنا ممكن يحللك المشكلة كلها فى ثانية واحدة طالما استعنتي بيه وطلبتي منه يوفقك واعلنتي عن احتياجك له

حاولي تاني وتالت وعاشر وعلى طول .. طول ماانتى عايشة في أمل فى حياتك وفى حياة اللى حواليكي

أرجوكي ما تيأسيش وتستلمي واستمري واتمردي بجد

ربنا يوفقك ويعينك يارب

Timo.. يقول...

اولا الف مبرو يا سوووووو :)
ثانيا بالنسبة للبوست ده.
ما تيجي نغير قواعد اللعبة..؟؟
يعني بماانه الانسان الوحيد اللي بنتمنى وجودة في حياتنا ووجودنا في حياته بقى لازم نبذل مجهود اكتر شوية ونعتبر ان طريقتنا مش كانت كافية او مش كانت الطريقة المناسبة..
يعني ببساطة مش (نعمل اللي علينا) لأ...نعمل اكتر بكتير من اللي علينا واحنا مؤمنين انه يستحق ده..
تخيلي الام اللي بتلاقي ابنها في مرحة يأس..ينفع تييأس هي كمان ..؟؟
طبعا لأ..
عشان حبها له بدون قابل وعشان كده بقولك..وقفت لحظة بينك وبين نفسك عشان تاخدي نفس كبير وعميق..؟ يلا بقى نجرب تاني واحنا كلنا امل بيتولد من تاني في التغيير.

ربنا معاك ويوفقك ديما يا سمو الاميرة يا قمر :)

*الطالبة عفو الله *زوزو يقول...

صعب اوي اوي اوي

صعب أوي لما يكون وجودك في حياة ناس كتير بيفرق معاهم أو وممكن يكون غير مجرى حياتهم
وتحس إن وجودك زي عدمه في حياة البني آدم الوحيد اللي بتتمنى تكون موجود في حياته :(

حاساها اوي العبارة دي

شعور وحش اوي

الله المستعان

بنـوتــــة يقول...

بلاش الإحساس ده
صعب أوي

و خصوصاً لو كل اللي في إيدك حاجة بسيطة أوي أوي أوي ممكن تعمليها
مش هتفيد أوي
صعب

سمو الامير يقول...

أصعب إحساس بجد

:(

سمو الأميرة سارة يقول...

عبد الله .. مؤلم لدرجة اليأس ، مؤلم لدرجة اني بتمنى اتلاشى .. او اموت او اختفي يمكن يحسوا اني كنت هنا !

سمو الأميرة سارة يقول...

محمد الوكيل : عدم وجود تأثير ليا في حياة البني آدم بيساوي عندي اني لاشيء
زي ما انت بتقول كده .. وجود عن وجود يفرق فعلاً يا محمد

سمو الأميرة سارة يقول...

محمد حجاز تصدق ممكن .. ويمكن كمان لأني قريبة أوي من المشكلة فمش قادرة اكون متفائلة بدرجة كبيرة !

يمكن .. يمكن الحكاية زي الدراسة بالظبط
المادة اللي احبها ما اجيبش فيها درجات حلوة والمادة اللي اكرهها اجيب فيها اعلى درجات !! يمكن يا محمد

سمو الأميرة سارة يقول...

انسان عادي ... نفسي اتقطع يا عبدو .. هاخد نفس عميق واكمل .. بس يارب اقدر

سمو الأميرة سارة يقول...

محمد التركي اهلاً بيك منورني

متهيألي انك فهمت ان الموضوع حب من طرف واحد يا محمد
الحكاية مش كده الحكاية اني يهمني أكون مؤثرة بشكل ايجابي في انسان يهمني وانا مش عارفة فحاسة بالعجز رغم اني بقدر أكون مؤثرة في ناس تانيين يمكن ما اعرفهمش وبالتالي ما يهمونيش بنفس الدرجة

بالنسبة لصغري ع العذاب اللي بحمله لنفسي
فصدقني انا صغيرة على حاجات كتير شوفتها في الدنيا دي .. حاجات حلوة ووحشة
بس كل دا ما حملتوش لنفسي :(

سمو الأميرة سارة يقول...

وضاح .. للمرة التانية بسمع النصيحة دي
ومقتنعة جداً بيها
بس بجد انا أبعد بني آدمة عن الصبر
فإدعي لي ربنا يلهمني الصبر

وقصدي بالصبر عدم التسرع او التأني

سمو الأميرة سارة يقول...

منونة .. حاسة بكلامك وحاسة قد ايه انتي موجوعة عشاني .. بس بردو حاسة انه غصب عنه
هو كمان صغير ع اللي بيشوفه :(
ربنا يقوينا كلنا يارب

سمو الأميرة سارة يقول...

ستار ان زا سكاي :( للأسف

سمو الأميرة سارة يقول...

أعقل مجنونة :( بردو للأسف

بقول للأسف ليكي ولستار ان زا سكاي لأني حاسة انكم جربتوه .. للأسف :(

سمو الأميرة سارة يقول...

سعد إدعي لي اني اقدر اكمل يا سعد ويارب فعلاً يقوم ويفوق

سمو الأميرة سارة يقول...

أبو علي

أحياناً بتكون انت وانسان ما كيان واحد
لو انت اللي شايل القربة المخرومة هتخر عليه ولو هو اللي شايلها هتخر عليك
للأسف ..

سمو الأميرة سارة يقول...

ميمي مش يمكن انا مش قادرة احسسه بوجودي صح ؟

صعب أقول ما يستاهلش :(

سمو الأميرة سارة يقول...

ريم .. قريت كلامك اكتر من مرة ياريم
وحاسة انه صح جداً

سمو الأميرة سارة يقول...

إنسانة .. يارب يكون في تأثير فعلاً يا ياسمين حتى لو مش فوري او سريع
بس يارب الوضع لا يبقى على ماهو عليه أو ع الأقل ما يتدهورش .. كله على الله

إدعي لي اوي يا ياسمين بالله عليكي

سمو الأميرة سارة يقول...

تيمو .. معاك حق

شهيييييييييييييق زفيييييييييييير

هحاول بجد :)

سمو الأميرة سارة يقول...

زوزو يارب ما تكوني حاساها لأنك جربتي يا زوزو
يارب

سمو الأميرة سارة يقول...

بنوتة .. صح

عارفة بقى لما تحسي ان مافيش في ايدك حاجة اصلاً

بتبقى أصعب وأصعب :(

سمو الأميرة سارة يقول...

سمو الأمير :( للأسف

Boky يقول...

يا ساروووو طالما بتعملى اللى عليكى وتكفى طاقتك فيه يبقى العيب مش فيكى
بدليل انك بتغيرى وبتاثرى فى حياة ناس كتير حواليكى
مع انى بردوه حاسة بيكى وعارفة عايشاه ازاى الاحساس دة

متكلمنيش عن الاحساس دة
لأن ربنا كاتبه عليا :|
بس مش بحس انى مقصرة علشان بعمل اللى عليا ولو انى بردوه بتألم

المتابعون

اعتبرها بيتك ♥

وِش القفص

خليك ورايا

دليفري..