زمان وانا صغيرة كان نفسي أوي يكون عندي أسرار
كنت بجيب أي ورق عبيط كاتباه للقطط بتاعتي وأخبيه في صندوق كده مخصوص مسمياه صندوق الأسرار
وأخبي الصندوق واعمل له اقفال وأفلام غريبة كده وأنا أساساً ما عنديش ولا سر !
دلوقتي عندي أسرار كتييييييييييير أوي لدرجة إني حاسة انها حمل تقيل على قلبي
زهقانة منها ومش عايزة أخبيها ونفسي أبوح بيها
بس ما ينفعش
كلام كتير ناس أمنتني ما أقولهوش .. مواقف كتير عايزة انساها فمش بحكي لحد عليها
أفكار سودا بتجي لي من وقت للتاني ومش عارفة أبوح بيها
دلوقتي أنا عندي سر :(
وياريتني ما عندي سر
________________________
بخصوص التعليقات سامحوني بجد على عدم الرد
أنا والله بقرأ كل تعليق مش بسيب منه حرف بس المشكلة ان الوقت محدود جداً
زائد ان بلوجر تقيل جداً وبيحمل بصعوبة اوووووي عندي
هههههههههههههههه
ردحذفطيب و الحل ايه؟؟؟؟؟؟؟
يعني تفتكري هتفضلي شايلة الاسرار دي لوحدك؟
شوفي يا بنتي
انتي لو ليكي صديقة مقربة بتثقي فيها(و حطي تحت بتثقي فيها دي كام خط) و مجرباها كام مرة في اسرار و هي مخانتكيش
يبقى اتكلي على الله و قوليلها اسرارك
لو ملكيش
يبقى حاولي تدوري على حد تثقي فيه
وربنا يوفقك دايما
رنا
همممممممممم
ردحذفانتي كده حالتك صعبه
بس لازم نعرف الاول حاجتين
السر ده عيب يعني لو حد عرفه هتبقي خجلانه من الناس ومن نفسك ومن اهلك
السر ده لو اتعرف هيسببلك مشكله والمشكله دي هتاثر عليكي
لو فيه الحاجتين دول يبقي مش سر يبقي ورطة وانتي لازم تحاولي تخرجي منها قبل ما ييجي وقت ماتقدريش تعملي حاجة
وزي ما بيقولو تقع الفاس في الراس يا عباس
وبس خلاص
تيك كير
عندك ميت حق و حق
ردحذفو أنا كمان يا ريت حد يشيل عني كل اللي عندي
ممكن حاجات مش سر و لا حد ممنك عليها
بس مينفعش تحكيها
و معذباكي
بجد عذاااب
و بالذات لما تحسي إنك واقفة لوحدك في فضاء أسود شاسع
:)
ردحذفبجد معاكي حق ;)
ساعات الواحج يكون عايز حاجاتاوي و يعملها و اما تكون معاه مايعوزهاش
طبيعة الأنثي مش بتقدر تحتفظ بأسرار...
ردحذفأولا انا مش لاسع
ردحذفبس ممكن أخد الصفه دى علشان فكرت احط ماى بوينت اوف فيو لاول مره فى اى بلوج
المهم
هاتى ورقه واكتبى فيها الأسرار دى واحرقيها واهو تبقى قلتيها للورقه
او تستحملى بس دى متعبة اووووى :(
على فكره انا متابع بلوجك من أسبوعين كده .. دماغك عاجبانى :D
بوحي بيها لنفسك بصوت واطي بالليل قبل ما تنامي :)
ردحذفأو بوحي بيها لواحدة بس من صحابك.. واحدة تكون يعني بقى مفيش زيها.. أو لوالدتك..
أو بوحي للورق.. ده بقى رائع..
على رأي نزار قباني:
"حين تكون الكتابة فعل خلاص" ..
الفن بأكمله فعل خلاص بشكل أو بآخر..
فتفنني يا سارة :)
هتتبسطي كمان !
اقولك يا سرسر قولهولى انا السر ده دانا بير
ردحذفهههههههههههههههه
بقى يبقى عندك قطط ومتقوليش طيب والنبى تيجى تاخدى اللى عندى
اكتبيه ف ورقة وقولى كل اللى نفسك فيه وقطعى الورقة او احرقيها
ردحذفهتحسى براحة
وبفرق كبير
تحياتى
هبة
ده شئ جميل
ردحذفاعتقد دلوقتى جه وقت الصندوق فعلا
بالمناسبه ايه النصائح اللى يتوجب على الفرد يتبعها وهو بيشترى قطه .. ؟
عارفة الصندوق بتاع الاسرار بتاعك ده فكرني بصندوق النذور بتاع السيدة زينب كنت بهبلى باكتب جواب للسيدة زينب او اي امنية واحطه في الصندوق كل ما كنت عايز انجح او عايز توفيق من ربنا وكان طبعا بتيجي لجنة صندوق النذور من الاوقاف تعمل لجنة كمان ماهي ميغة وتجتمع اللجنة عند ابو شقرة الكبابجي وتعمل لجنة تانية وتفرز الفلوس والرسايل على جنب ... وكانت الرسايل من نصيب الفحم اللي كان بيتشوي به الكفتة لللجنة اما الفلوس فكانت لزوم الكباب والسلطات والباقى يتم توريدة لخزانة الدولة...مشكلتك ان صندوقك عايز هو كمان لجنة وكمان اسرار قديمة من ايام سيدنا كفتة خرم الله عينه يعني بعد الوقت ده اكيد اكل عليها الدهر كفتة وشرب... نصيحتي ليكي روحي للعلاف بيعي الورق ده بالكيلو وخشي على اجدع محل كبابجى عندكم وربنا ح تنسي ام الاسرار دي.وكمان ح تدعيلي . ولو عايزة خبير لجان انا في الخدمة
ردحذف